Fara í efni
Umræðan

Klæðast svörtu „til að sýna sorg okkar og reiði“

Þær sem voru við vinnu á Holtakoti í morgun. Frá vinstri: M.Fanney Egilsdóttir, Valborg S. Karlsdóttir, Dýrleif Skjóldal, Eydís Elva Guðmundsdóttir, Þorgerður Sævarsdóttir og Þorbjörg Nielsdóttir.

Starfsfólk leikskólans Holtakots við Þverholt mætti svartklætt til vinnu í morgun eins og kennarar og aðrir starfsmenn skóla víða um land. „Við vorum dæmd úr verkfalli og til að opna leikskólann aftur í dag og mættum svartklædd, eins og kennarar um allt land, til að lýsa sorg okkar og reiði,“ segir Dýrleif Skjóldal, einn kennaranna á Holtakoti við Akureyri.net.

„Ég er ekki vön að vera svartklædd en fékk þessa hugmynd í gær og lét boð út ganga,“ segir Dýrleif. Tilefnið var úrskurður Félagsdóms þess efnis að verkfall kennara væri ólöglegt. „Mér finnst þetta sorgleg aðför að okkur sem manneskjum sem hafa rétt á því að fara í verkfall. Þetta er sorgardagur fyrir allt Kennarasambandið.“

Dýrleif kom hugmyndinni um svartan klæðnað á framfæri í pósti og í spjallhópum kennara á Facebook og bað fólk um að dreifa henni. Það hafi greinilega skilað sér því kennarar hafi mætt svartklæddir vil vinnu um allt land í morgun.

Samstöðuganga í kvöld

Boðað hefur verið til samstöðufundar kennara á Austurvelli í kvöld þegar forsætisráðherra, Kristrún Frostadóttir, flytur stefnuræðu sína og á Akureyri hefur verið boðað við samstöðugöngu frá Rósenborg niður á Ráðhústorg. 

„Í takt við samstöðufund á Austurvelli hefur verið tekin ákvörðun um að hafa samskonar fund hér þar sem kennarar, aðrir meðlimir KÍ og stuðningsmenn geta hist og rætt málin. Gengið verður frá Rósenborg og niður á ráðhústorg klukkan 19:00 og er fólk hvatt til að hafa með sér vasaljós, fána eða annað sem vekur athygli á göngunni og málstaðnum,“ segir í tilkynningu frá Félagi leikskólakennara á Norðurlandi eystra. „ Samningaviðræður hafa ekki gengið nægilega vel og því er mikilvægt að kennarar standi saman og sýni samstöðu sína í verki. Við hvetjum alla þá sem vilja sýna kennurum samhug að fjölmenna gönguna og taka þátt í þeim umræðum sem skapast,“ segir þar.

Óvissa þegar heimilisbókhaldið gengur ekki upp

Eiður Stefánsson skrifar
13. mars 2025 | kl. 18:00

OFF – Oflæti, fákunnátta og fordómar

Þorvaldur Lúðvík Sigurjónsson skrifar
12. mars 2025 | kl. 20:10

Að komast frá mömmu og pabba

Ingibjörg Isaksen skrifar
10. mars 2025 | kl. 11:20

Hættuleg ofnotkun svefnlyfja

Drífa Sigfúsdóttir skrifar
09. mars 2025 | kl. 06:00

10 atriði varðandi símabann í skólum

Skúli Bragi Geirdal skrifar
07. mars 2025 | kl. 14:00

Þetta snýst nú á endanum um bílastæði

Gunnar Már Gunnarsson skrifar
05. mars 2025 | kl. 14:00