Fara í efni

Gamla myndin

Eftir nokkur röng gisk áttuðu margir sig á því hvar myndin er tekin. Gísli Sigurgeirsson, fyrrverandi fréttamaður á Akureyri, skrifaði til dæmis: Já, þetta er í Æsustaðaskriðunum, skammt utan við mynni Svartárdals syðst í Langadal. Þarna hlykkjaðist vegurinn með skriðunum og gat verið erfiður í snjó og varasamur í hálku. Þarna er Ford fremstur, gæti verið A 174, sem karl faðir minn ók. Myndin er frá fimmta áratug síðustu aldar sýnist mér. Vegurinn var síðar færður niður á bakkana, þar sem hægt var að hafa hann beinan og oftast greiðfæran. - / m-stae1-16501 frá Minjasafninu á Akureyri

209 – 8.11. 2024 – Æsustaðaskriður

Hefurðu hugmynd um hvar þessi mynd er tekin og hvaða fólk er á myndinni? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-16483 frá Minjasafninu á Akureyri

208 – 1.11. 2024 – Veistu hvar þetta er?

Hefurðu hugmynd um hvar þessi mynd er tekin? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-16096 frá Minjasafninu á Akureyri

207 – 25.10.2024 – Gunnarsstaðir

Hefurðu hugmynd um hvar þessi mynd er tekin? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-16364 frá Minjasafninu á Akureyri

206 – 18.10.2024 – Veistu hvar þetta er?

Þetta er í Vestmannaeyjum, Heimaklettur í baksýn. Eyjamaðurinn Guðni Einarsson (Gíslasonar í Betel), lengi blaðamaður á Morgunblaðinu, sendi: Þetta er Heimatorg á Heimaey. Til vinstri er Rafstöðin sem sá Eyjamönnum fyrir rafmagni með díselvélum og til hægri húsið Jómsborg. Svæðið og húsin fóru undir hraun í eldgosinu 1973. - / m-stae1-16309 frá Minjasafninu á Akureyri

205 – 11.10.2024 – Heimatorg á Heimaey

Myndin er frá Vestmannaeyjum. Lesandi sendi eftirfarandi: Þetta svæði var sunnan núverandi fiskimjölsverksmiðju Vinnslustöðvarinnar (VSV) (mjölhús á myndinni) og austan fiskvinnsluhúss Vinnslustöðvarinnar. Þarna standa núna fiskvinnsluhús Vinnslustöðvarinnar. - / m-stae1-16300 frá Minjasafninu á Akureyri

204 – 4.10.2024 – Vestmannaeyjar

Þetta er við Hótel Varmahlíð í Skagafirði. Þar var á árum áður svokölluð skiptistöð þar sem langferðabifreiðar höfðu viðkomu, til dæmis bílar Norðurleiðar. - / m-stae1-16275 frá Minjasafninu á Akureyri

203 – 27.9.2024 – Hótel Varmahlíð

Þetta er í Vestmanneyjum. Myndin er tekin austur Strandveg, fremstu húsin bæði vinsta og hægra megin eru svokölluð Sælahús, skv. upplýsingum sem bárust. Annað húsið vinstra megin, það reisulega með kvistinum, er Magnahúsið sem svo er kallað – þar var Vélsmiðjan Magni með starfsemi en í húsinu nú rekið veitingahúsið Slippurinn. - / m-stae1-16289 frá Minjasafninu á Akureyri

202 – 20.9.2024 – Vestmannaeyjar

Þetta er Brúnalaug í Eyjafjarðarsveit, áður í Öngulstaðahreppi. Þar hefur lengi verið rekin garðyrkjustöð. / m-stae1-16289 frá Minjasafninu á Akureyri

201 – 13.9.2024 – Brúnalaug

Þessi reffilegi maður mun vera Jón Pétursson sem fæddist á Akureyri 8. júní 1912 og lést 5. nóvember 2001. Jón var verkamaður og bifreiðastjóri í Vestmannaeyjum og síðar leigubílstjóri í Reykjavík. Á töskunni er gamla póstmerkið með kórónu og lúðri. Myndin er tekin í Fjörunni, í grennd við Nonnahús og Kirkjuhvol, þar sem Minjasafnið er nú til húsa. Stóra húsið næst á myndinni er Bæjarhúsið, þriggja hæða hús sem stóð þar sem gatan Duggufjara er núna. Einnig sjást Tuliníusarhús og Bryggjuhúsið, steinsnar frá Höepfnersbryggjunni. / m-stae1-16388 frá Minjasafninu á Akureyri

200 – 6.9.2024 – Jón Pétursson

Þetta er gamla kirkjan á Reykhólum sem er nú í Saurbæ á Rauðasandi. Núverandi kirkja á Reykhólum var vígð 1963, sú gamla (á myndinni) var tekin ofan 1975 en endurreist á Rauðasandi og vígð þar 5. september 1982. Kom hún í stað Saurbæjarkirkju sem fauk í ofsaveðri í janúar 1966. / m-stae1-16288 frá Minjasafninu á Akureyri

199 – 30.8.2024 – Reykhólakirkja

Margar tilgátur bárust um þessa mynd, flestar áttu það sameiginlegt að telja fjallið í fjarska Úlfarsfell. Fram kom tilgáta um að myndin væri tekin frá Höfðatúni, sem nú kallast Katrínartún. Annar lesandi skrifaði: Sem gamall Reykvíkingur myndi ég staðsetja mig ofarlega á Grensásvegi og horfa til norðausturs. Mér finnst fjallið í baksýn minna mig á Úlfarsfell og húsin gætu verið við Hólmgarð eða Hæðargarð. Í forgrunni virðist mér vera gamall Bedford „boddíbíll“.

198 – 23.8.2024 – Reykjavík

Hefurðu hugmynd um hvar þessi mynd er tekin? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-15926 frá Minjasafninu á Akureyri

197 – 16.8.2024 – Veistu hvar þetta er?

Þetta er bærinn Háls í Eyjafjarðarsveit. Svanhildur Daníelsdóttir skrifar: Fjósið var vinstra megin (sunnan við) við húsið og aftan við fjósið var hlóðaeldhús. Hægra megin við húsið (norðan megin) var skemman þar sem amboðin og fleira var geymt og svo voru fjárhúsin norðan við skemmuna. Hesthús var bakatil, aftan við bæjarhúsið. Ég kom oft í Háls á 7. áratugnum með móður minni sem hjálpaði þeim mæðginum Benedikt og Indíönu að gera slátur og slátrið var soðið í hlóðaeldhúsinu. / m-stae1-15984 frá Minjasafninu á Akureyri

196 – 9.8.2024 – Háls í Eyjafjarðarsveit

Þetta er Hraðfrystihús Vestmannaeyja / m-stae1-15913 frá Minjasafninu á Akureyri

195 – 2.8.2024 – Hraðfrystihús Vestmannaeyja

Þetta er Jóhannes Frímannsson (1880-1963) bóndi á Gilsá í Eyjafirði. Þarna er hann að tæma næturgagnið, koppinn sinn, væntanlega fyrir utan torfbæinn á Gilsá. - / m-stae1-15958 frá Minjasafninu á Akureyri

194 – 26.7.2024 – Jóhannes Frímannsson

Hér er horft norður Ljósvallagötu í Reykjavík, kirkjugarðurinn við Suðurgötu, Hólavallagarður, er handan girðingarinnar hægra megin á myndinni. Hús við Sólvallagötu og Hólatorg í fjarska. Ekki hefur tekist að bera kennsl á manninn. / m-stae1-16126 frá Minjasafninu á Akureyri

193 – 19.7.2024 – Ljósvallagata

Þetta mun vera Klettsflöt í Húsadal í Þórsmörk; Flötin, eins og hún er gjarnan kölluð. Lesandi skrifaði: Sé ekki betur en kletturinn Assa sé þarna í fjarska. Og Markarfljót og Markarfljótsaurar í vestri. Þarna var búið 1892-3. Rústirnar á Flötinni eru síðan þá. Annar skrifaði: Bíllinn var trússbíll, Bedford QL, X 103, í eigu Bjarna Guðmundssonar frá Túni. - / m-stae1-16274 frá Minjasafninu á Akureyri

191 – 5.7.2024 – Flötin í Þórsmörk

Þetta er Garðarsbraut 21 á Húsavík. Elín Björg Ragnarsdóttir skrifaði eftir að myndinni var deilt á Facebook síðunni Gamlar ljósmyndir: „Þetta er gamla heimilið mitt Póstur og sími Húsavík. Pabbi var stöðvarstjóri þarna frá 1962-1987 og var íbúð á efri hæðinni fyrir fjölskyldu stöðvarstjóra líkt og var víða um land á þessum árum. Koparþak var sett á lægri bygginguna vegna leka fljótlega eftir að pabbi kom norður þannig að gluggaröndin efst er ekki lengur til staðar heldur koparfrontur. Upp úr 1980 var byggt við húsið og hýsir sá hluti nú Vínbúðina en gistiheimili er í þeim hluta sem er á tveimur hæðum. Síminn er svo með restina af húsinu í dag.“ / m-stae1-16119 frá Minjasafninu á Akureyri

192 – 12.7.2024 – Póstur og sími, Húsavík

Bryndís Magnúsdóttir telur að hjólreiðamaðurinn til vinstri sé pabbi hennar, Magnús Ágústsson, og sá til hægri vinur hans, Haukur Árnason. Þeir hafi hjólað til Reykjavíkur á yngri árum, einmitt með tjald. Altjent hjóla mennirnir hér austur Miklubraut í Reykjavík og eru skammt austan við gatnamót við Háaleitisbraut. Úlfarsfell er til vinstri, Ártúnsbrekka og kartöflugeymslunar hægra megin í fjarska. Býlið Sjónarhóll, með þrjár burstir, stendur við Grensásveg og lengst til vinstri má sjá býlin Urðir og Hálogaland, efst á Sólheimahæð. Lesandi upplýsir að húsið Urðir standi enn og sé í dag Sólheimar 36. Hálogaland brann í maí 1972 og var rifið í kjölfarið. - / m-stae1-16194 frá Minjasafninu á Akureyri

190 – 28.6.2024 – Reykjavík

Þetta mun vera Hjarðarholt í Laxárdal í Dalasýslu, gamalt höfuðból, kirkjustaður og áður prestssetur. / m-stae1-15813 frá Minjasafninu á Akureyri

189 – 21.6.2024 – Hjarðarholt í Laxárdal

Þetta er sæluhúsið við Jökulsá á Fjöllum, skammt norðan við brúna hjá Grímsstöðum. Margir lesendur bentu á það. Gísli Sigurgeirsson fv. fréttamaður bætti við: Húsið var reist árið 1883 úr tilhöggnu grjóti sem tekið var skammt frá byggingarstað. Húsið er sögusvið Aðventu Gunnars Gunnarssonar, en Fjalla-Bensi leitaði þarna oft skjóls. Ekki mun hann þó alltaf hafa sofið þar vært, því draugagangur var sagður í húsinu. - / m-stae1-15908 frá Minjasafninu á Akureyri

188 – 14.6.2024 – Sæluhúsið við Jökulsá á Fjöllum

Hjarðarholtskirkja í Laxárdal í Dalasýslu. Ein af krosskirkjum Rögnvaldar Ólafssonar arkitekts. Vígð 1904. / m-stae1-15765 frá Minjasafninu á Akureyri

187 – 7.6.2024 – Hjarðarholtskirkja

Þetta er gamla endurvarpsstöðin í Skjaldarvík við Eyjafjörð, húsið kallast nú Varpholt. / m-stae1-15781 frá Minjasafninu á Akureyri

186 – 31.5.2024 – Skjaldarvík

Þetta er Möðrudalur á Fjöllum; Möðrudalur á Efra - Fjalli, eins og sumir lesendur orðuðu það. Haraldur Bjarnason segir: Hús Vilhjálms [Gunnlaugs Jónssonar] og Margrétar [Sveinsdóttur] fremst, svo hús foreldra Vilhjálms, þeirra Jóns A. Stefánssonar og Þórunnar Vilhjálmsdóttir. Síðan kirkjan, sem Jón byggði og var vígð 1947. Einn sona Jóns og Þórunnar var Stefán Jónsson, listmálarinn Stórval. / m-stae1-15811 frá Minjasafninu á Akureyri

185 – 24.5.2024 – Möðrudalur

Hefurðu hugmynd um hvar þessi mynd er tekin? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-15663 frá Minjasafninu á Akureyri

184 – 17.5.2024 – Stykkishólmur

Þetta er á Seyðisfirði. Hótel Snæfell í baksýn. Ekki hafa borist óyggjandi upplýsingar um konuna og stúlkuna en vonandi þekkir þær einhver. Þeir sem kunna að búa yfir frekari upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-15663 frá Minjasafninu á Akureyri

183 – 10.5.2024 – Seyðisfjörður

Þetta er hótel Valhöll á Þingvöllum, eins og fjölmargir lesendur bentu á. - / m-stae1-15590 frá Minjasafninu á Akureyri

182 – 3.5.2024 – Valhöll

Þetta eru gömlu bæjarhúsin í Litla-Dal í Eyjafjarðarsveit, áður Saurbæjarhreppi. Litladalur er innsti byggði bærinn í Djúpadal. - / m-stae1-15663 frá Minjasafninu á Akureyri

181 – 26.4.2024 – Litli-Dalur í Eyjafirði

Hefurðu hugmynd um hvar þessi mynd er tekin? Jafnvel hvað konurnar tvær heita? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-15508 frá Minjasafninu á Akureyri

180 – 19.4.2024 – Veistu hvar þetta er?

Þetta er á Skagaströnd – Höfðakaupstað, eins og staðurinn var nefndur áður fyrr. Myndin er af útbænum, segir í pósti frá lesanda. Tekin áður stór hluti Höfðans (Spákonufellshöfða) var sprengdur og notaður í uppfyllingu við höfnina. - / m-stae1-15592 frá Minjasafninu á Akureyri

179 – 12.4.2024 – Skagaströnd

Þetta er við bæinn Hleiðargarð í Saurbæjarhreppi hinum gamla (sem nú er hluti Eyjafjarðarsveitar. Lesandi kveðst nokkuð viss um að til vinstri á myndinni séu hjónin Sigríður Jóna Jóhannsdóttir og Snorri Hannesson, bændur í Hleiðargarði. Ekki hafa borist ábendingar um hitt fólkið. - / m-stae1-15673 frá Minjasafninu á Akureyri

178 – 5.4.2024 – Hleiðargarður

Þetta er bærinn Stórólfshvoll í Hvolhreppi. Staðfest er að maðurinn vinstra megin er Sigtryggur Eiríksson, öðru nafni Tryggvi Kaldan, sem bjó og starfaði sem læknir í Helsingjaeyri í Danmörku. Hugsanlegt er að maðurinn til hægri sé ljósmyndarinn Willem van de Poll sem ferðaðist um landið árið 1934. Einn lesandi sagði mögulegt að bíllinn á myndinni sé sá sem notaður var í því ferðalagi, R-765. Annar lesandi benti á að maðurinn til hægri gæti verið Helgi Jónasson ((1894–1960) læknir á Stórólfshvoli 1925–1955) og alþingismaður Rangæinga 1937–1956). Vonandi fæst úr því skorið. - / m-stae1-15690 frá Minjasafninu á Akureyri

177 – 29.3.2024 – Stórólfshvoll í Hvolhreppi

Ekki stóð á svörum við þeirri spurningu hvar þessi mynd væri tekin. Sverrir Páll Erlendsson sendi til dæmis eftirfarandi upplýsingar:
Þetta er á Siglufirði við norðurenda gamla fótboltavallarins, sem nú er verið að byggja á. Til hægri sést í hús sem merkt er BÍÓ. Þetta er Alþýðuhúsið þar sem Aðalheiður Eysteinsdóttir hefur nú aðsetur og vinnustofu.

Litla húsið með dökku þaki nær okkur er löngu farið og líka næstu tvö hús, það hvíta var áhaldahús fyrir völlinn en hitt var hornhús á mörkum Túngötu, sem liggur eftir endilöngu frá norðri til suðurs, frá Torginu norður í Hvanneyrarkrók. Hornhúsið var íbúðarhús en löngu farið.

Hin gatan er Þormóðsgata sem liggur upp brekku, sem ekki sést. Háreista húsið með kvistinum er Sölvahúsið, og því miður löngu búið að rífa það. Hitt húsið, tveggja hæða með gluggaröðinni út að Þormóðsgötu er Hólakot, timburhús sem stendur enn, mjög ryðgað og því miður illa útlítandi utan frá. Þar eru að mig minnir 3 eða 4 íbúðir.

Hinum megin við túngötuna, norðan við Alþyðuhúsið, er myndarlegt hús sem stendur enn.

Þetta er gömul mynd því ef hún væri yngri sæist á bak við Sölvahús og Hólakot hin mikla Mjölskemma Síldarverksmiðja ríkisins, sem var kölluð Ákavíti og var stærsta bygging á Íslandi að flatarmáli áður en ameríski herinn byggði flugskýli á Keflavíkurvelli sem var stærra. Mjölskemman var reist 1946, stálgrindarhús með tveim burstum eftir endilöngu. Snjórinn veturinn eftir var nógur til að þakið hrundi og var gert upp á nýtt 1947 og þá bara ein burst. Stendur enn.

Sem sagt húsin á gatnamótum Túngötu og Þormóðsgötu á Siglufirði. - / m-stae1-15589 frá Minjasafninu á Akureyri

176 – 22.3.2024 – Siglufjörður

Þetta er Miðgarðakirkja í Grímsey sem byggð var 1867 en brann til kaldra kola árið 2021. / m-stae1-15542 frá Minjasafninu á Akureyri

175 – 15.3.2024 – Miðgarðakirkja

Þetta er bærinn Hof á Höfðaströnd í Skagafirði. Lilja Pálmadóttir, eigandi jarðarinnar, telur að myndin sé tekin árið 1939, þegar haldið var upp á gullbrúðkaupsafmæli langömmu hennar og langafa, Jóns Péturssonar og Sólveigar Eggertsdóttur. - / m-stae1-15490 frá Minjasafninu á Akureyri

174 – 8.3.2024 – Hof á Höfðaströnd

Nokkrar tilgátur bárust um þessa mynd af síldarsöltun en það þykir næsta víst að hún sé frá Ísafirði - m-stae1-15268 frá Minjasafninu á Akureyri

173 – 1.3.2024 – Síldarsöltun á Ísafirði

Þetta eru Æsustaðir í Eyjafjarðarsveit (Gamli Saurbæjarhreppur). Myndin tekin fyrir 1940 því samkvæmt Byggðir Eyjafjarðar II (1973) er húsið sem stendur þar nú, byggt á árunum 1940-1942 og miða við þetta sjónarhorn þá væri það líka á þessari mynd ef það væri komið.

172 – 23.2.2024 – Æsustaðir

Þetta mun gamli Víðamýrarbærinn í Skagafirði. - m-stae1-15385 frá Minjasafninu á Akureyri

171 – 16.2.2024 –Víðimýri í Skagafirði

Þetta er Langamýri í Vallhólmi í Skagafirði - þriðju vikuna í röð! Lesandi sendi eftirfarandi: Þetta er austari hluti hússins þar sem var heimavist. Til hægri sést í Út-Blönduhlíð. Húsið var rifið um aldamótin. - m-stae1-15294 frá Minjasafninu á Akureyri

170 – 9.2.2024 – Langamýri í Skagafirði

Þetta mun vera Langamýri í Skagafirði. Mynd síðustu viku var líka þaðan en þessi er sögð tekin mun fyrr en sú fyrri. Þetta er norðurhlið hússins. - m-stae1-15294 frá Minjasafninu á Akureyri

169 – 2.2.2024 – Langamýri í Skagafirði

Þetta er Langamýri í Vallhólmi, í gamla Seyluhreppi í Skagafirði. Ingibjörg Jóhannsdóttir, sem fædd var á bænum, stofnaði þar kvennaskóla, Húsmæðraskólann á Löngumýri, árið 1944 og stýrði skólanum sjálf til 1967 er hún gaf þjóðkirkjunni jörðina. Til gamans má geta þess að Konráð Gíslason málfræðingur, einn Fjölnismanna, var fæddur á Löngumýri. Hann leit fyrst dagsins ljós 3. júlí árið 1808. - m-stae1-15293 frá Minjasafninu á Akureyri

168 – 26.1.2024 – Langamýri í Skagafirði

Þetta er bærinn Ljósavatn í Ljósavatnsskarði. Til hægri gamla kirkjan. Myndin er líklega tekin laust fyrir 1940, byrjað var að byggja við íbúðarhúsið eftir það. - m-stae1-15444 frá Minjasafninu á Akureyri

167 – 19.1.2024 – Ljósavatn

Þetta mun vera Aldísarlundur á Hrafnagili. Syðra-Laugaland handan árinnar. Lundurinn er kenndur við Aldísi Einarsdóttur á Stokkahlöðum sem var mikil ræktunarkona og hafði forgöngu um plöntun í lundinum. Í dag er þessi skógur gróinn saman við seinni tíma trjárækt í brekkunum ofan við Hrafnagil, skv. upplýsingum frá lesanda. Ábending barst um að sennilega sé myndin tekin á 50 ára afmæli KEA árið 1936. - m-stae1-15379 frá Minjasafninu á Akureyri

166 – 12.1.2024 – Aldísarlundur

Þetta er bærinn Laugarbakkar í Ölfusi, að sögn konu sem fæddist þar og ólst upp. - m-stae1-15157 frá Minjasafninu á Akureyri

165 – 5.1.2024 – Laugarbakkar

Þetta er húsið Jaðar sem stóð á suðurbakka Brimnesfljóts við ósinn á Dalvík. Í baksýn er Hrísey og Látraströnd þar handan við. Verksmiðja Sæplast stendur núna á lóðinni. Á Jaðri bjó meðal annarra Jón Stefán Brimar, sjómaður á yngri árum sem snéri sér svo að listmálun og húsamálun. Eftir hann liggja mörg falleg verk. Þetta reisulega hús var flutt árið 1996 af bökkum Brimnesfljóts að Kleifum í Ólafsfirði og ku standa þar enn. - m-stae1-14903 frá Minjasafninu á Akureyri

164 – 29.12.2023 – Jaðar á Dalvík

Þarna er Þingvallakirkja og Þingvallabærinn gamli. Kirkjan sjálf er reist 1859 en turninum er bætt við 1907 svo myndin er tekin eftir það en áður en gamli Þingvallbærinn var rifinn 1928 og húsin sem við þekkjum svo vel í dag voru reist 1930. Kirkjugarðshliðið hefur verið fært og er ögn lengra til norðurs í dag. Það sést móta fyrir Ármannsfelli til norðurs lengst til vinstri á myndinni. - m-stae1-15387 frá Minjasafninu á Akureyri

163 – 22.12.2023 – Á Þingvöllum

Myndin er tekin á norðurgarðinum í höfninni á Hofsósi. Húsið hægra megin er Nöf og frystihúsið er upp af bryggjunni og til norðurs. - m-stae1-15438 frá Minjasafninu á Akureyri

162 – 15.12.2023 – Hofsós

Þetta er sennilega kirkjan í Unaðsdal í Ísafjarðardjúpi, byggð 1897. Nokkrar ábendingar hafa amk borist í þá veru. - m-stae1-15244 frá Minjasafninu á Akureyri

161 – 8.12.2023 – Kirkjan í Unaðsdal?

Þetta er Löngumýri í Skagafirði. Lesandi skrifar: Tekið norðaustan við byggingarnar. Tekin nokkru fyrr en mynd 168 (sem birtist 26. janúar 2024). Reykháfarnir, skúrþakið til norðurs og þessi lága, langa bygging sem síðar varð tengibygging við frekari uppbyggingu á staðnum, eru auðþekktir hlutar af myndum af staðnum frá svipuðum tíma. - m-stae1-15312 frá Minjasafninu á Akureyri

160 – 1.12.2023 – Langamýri í Skagafirði

Þetta er Gunnar Kristjánsson bóndi á Dagverðareyri. Myndin er tekin þar, líklega um 1950; Gunnar var fæddur 1912 og Þórgunnur Oddsdóttir, afabarn hans, segir fjölskylduna telja Gunnar um fertugt á myndinni. m-stae1-15435 frá Minjasafninu á Akureyri

159 – 24.11.2023 – Gunnar Kristjánsson

Þetta er bærinn Syðra-Laugaland í Öngulsstaðahreppi, nú Eyjafjarðarsveit. Myndin er tekin 1947 eða 1948. Bragginn norðan við húsið var reistur 1947 og byggt var við húsið sjálft, til norðurs, árið eftir. Myndin er því tekin á milli þeirra framkvæmda. - m-stae1-14904 frá Minjasafninu á Akureyri

158 – 17.11.2023 – Syðra-Laugaland

Hefurðu hugmynd um hvar þessi mynd er tekin? Þeir sem kunna að búa yfir upplýsingum um myndina eru hvattir til að senda þær á netföngin hg@minjasafnid.is og skapti@akureyri.net - / m-stae1-15388 frá Minjasafninu á Akureyri

157 – 10.11.2023 – Veistu hvar þetta er?

Þessi mynd er tekin á bænum Tjörn í Svarfaðardal skömmu eftir 1930. Drengirnir eru Þórarinn Pétursson og Páll Axelsson. Dóttir Þórarins, Hallfríður, sendi Akureyri.net ítarlegar upplýsingar sem lesa má með því að smella á þessa slóð: https://www.akureyri.net/is/mannlif/buid-ad-bera-kennsl-a-strakana-a-hjolinu

156 – 3.11.2023 – Þórarinn og Páll

Þetta er að öllum líkindum grunnskólinn í Borgarnesi. Miklar vangaveltur fóru í gang eftir að myndin birtist. Barnaskólinn á Sauðárkróki og Kópavogsskóli voru einnig nefndir til sögunnar, en nokkrir skólar eru sagðir hafa verið byggðir eftir sömu teikningunni.

155 – 27.10.2023 – Grunnskólinn í Borgarnesi

Þetta er bærinn Gullbrekka í Saurbæjarhreppi hinum forna. Lilja Sverrisdóttir skrifar: Afi minn og amma keyptu jörðina 1943 og byggðu þennan nýja hluta sem er á myndinni, ári seinna. Árið 1954 byggðu þau svo við þennan nýja hluta og rifu gamla bæinn. Í leiðinni snéru þau þakinu á syðri hlutanum svo stafninn snéri þá í suður en ekki austur eins og er á myndinni. Fyrir framan húsið standa frá vinstri hjónin Lára Jóhannesdóttir og Magnús Tryggvason, drengurinn fyrir framan held ég að sé Björn Heiðar Garðarsson frá Gilsá, systursonur Láru, næst er Haukur J. Magnússon yngri sonur þeirra og lengst til hægri er Hrafn Gíslason Johnsen, systursonur Magnúsar frá Vestmannaeyjum. Þetta er tekið í kringum 1950.

154 – 20.10.2023 – Gullbrekka

Þetta er mjög líklega berklahælið á Reykjum í Ölfusi, síðar fyrsta skólahús Garðyrkjuskóla ríkisins. Húsið var byggt um 1930 en rifið árið 2005 eftir að það var notað til æfinga fyrir Slökkvilið Hveragerðis, skv. upplýsingum frá lesanda.

153 – 13.10.2023 – Berklahælið á Reykjum

Þetta er stíflu- og loku mannvirki Laxárvirkjunar 2 í Aðaldal. / stae-1-14721 frá Minjasafninu á Akureyri

152 – 6.10.2023 – Laxárvirkjun 2

Heyskapur á Hrísum í Saurbæjarhreppi. / stae-1-14784 frá Minjasafninu á Akureyri

151 – 29.9.2023 – Heyskapur á Hrísum

Myndin er tekin á Neskaupstað. Svæðið með áberandi dröngum í fjallsbrúninni heitir Drangaskarð. Enn hefur ekki tekist að grafa upp nöfn konu og barns en húsið í bakgrunni stendur við Miðstræti 1 - Minjasafnið á Akureyri / album-352-6 frá Minjasafninu á Akureyri

150 – 22.9.2023 – Neskaupstaður

Þetta er gamli skíðaskálinn í Hveradölum, á Hellisheiði milli Reykjavíkur og Hveragerðis. Hann brann til kaldra kola í janúar árið 1991. Einn lesandi nefndi að bíllinn á myndinni væri af gerðinni Mercury, árgerð 1947. / stae-1-14825 frá Minjasafninu á Akureyri

149 – 15.9.2023 – Skíðaskálinn í Hveradölum

Þetta eru Veigastaðir á Svalbarðsströnd. Myndin sennilega tekin fyrir heimsstyrjöldina síðari. Steinhúsið á jörðinni var byggt 1930. - Minjasafnið á Akureyri / album-352-33 frá Minjasafninu á Akureyri

148 – 8.9.2023 – Veigastaðir

Veistu hvaða konur eru á myndinni? Ekki er vitað hvar þessi mynd er tekin eða hver ljósmyndarinn er. Veist þú það? Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / stae-1-14718 frá Minjasafninu á Akureyri

147 – 1.9.2023 – Veistu hvar þetta er?

Faktorshúsið í Neðstakaupstað á Ísafirði. - Minjasafnið á Akureyri / album-352-43

146 – 25.8.2023 – Faktorshúsið

Ekki er vitað hvar þessi mynd er tekin eða hver ljósmyndarinn er. Veistu þú svörin? Jafnvel hver maðurinn er? Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / stae-1-14775 frá Minjasafninu á Akureyri

145 – 18.8.2023 – Veistu hvar þetta er?

Hótel Reynihlíð í Mývatnssveit. Í baksýn til vinstri eru Hótel Reykjahlíð og Bjarg. / stae-1-14824 frá Minjasafninu á Akureyri

144 – 11.8.2023 – Hótel Reynihlíð

Þetta er bærinn Langavatn í Reykjahverfi, Suður-Þingeyjarsýslu / m-stae1-6737 frá Minjasafninu á Akureyri

143 – 4.8.2023 – Langavatn

Þetta er Grænavatn í Mývatnssveit - Minjasafnið á Akureyri / m-stae-1-7604 frá Minjasafninu á Akureyri

142 – 28.7.2023 – Grænavatn

Gamli skáli Ferðafélags Íslands á Hveravöllum sem byggður var um 1940. / m-stae-1-6978 frá Minjasafninu á Akureyri

141 – 21.7.2023 – Hveravellir

Þetta er gamli bærinn á Gautlöndum í Mývatnssveit / m-stae-1-7607 frá Minjasafninu á Akureyri

140 – 14.7.2023 – Gautlönd

Ekki er vitað hvar þessi mynd er tekin eða hver ljósmyndarinn er. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / m-stae1-6741 frá Minjasafninu á Akureyri

139 – 7.7.2023 – Veistu hvar þetta er?

Víðimýri í Skagafirði / m-stae-1-7025 frá Minjasafninu á Akureyri

138 – 30.6.2023 – Víðimýri í Skagafirði

Þetta er bærinn Leyningur í Eyjafjarðarsveit (tilheyrði á sínum tíma gamla Saurbæjarhreppi) / m-stae-1-7029 frá Minjasafninu á Akureyri

137 – 23.6.2023 – Leyningur

Gamli Hreðavatnsskálinn í Grábrókarhrauni, vertinn Vigfús Guðmundsson til vinstri. Hægra megin við skálahornið sést í toppinn á Baulu og við hægri jaðar myndarinnar er dálítið horn af Grábrók. Myndin er frá upphafstímum ferðaþjónustu á Íslandi, segir í skeyti sem lesandi sendi. Annar segir: Þessi skáli stóð á steyptri plötu fyrir neðan Bifröst sem kom seinna. Húsið var flutt og er nú notað sem sumarbústaður fyrir neðan bæinn Hríshól. Sumarbústaðurinn heitir reyndar Hríshóll. / m-stae-1-7038 frá Minjasafninu á Akureyri

136 – 16.6.2023 – Gamli Hreðavatnsskálinn

Þarna eru skátar á ferð við bæinn Kálfaströnd 1 í Skútustaðahreppi við Mývatn. / m-stae-1-6941 frá Minjasafninu á Akureyri

135 – 9.6.2023 – Kálfaströnd

Bærinn Teigur í Eyjafjarðarsveit - Minjasafnið á Akureyri / album-54-3 frá Minjasafninu á Akureyri

134 – 2.6.2023 – Teigur í Eyjafjarðarsveit

Þetta eru þrír bæir í Kelduhverfi; Keldunes, Kelduneskot og Lindarbrekka. - Minjasafnið á Akureyri / m-stae-1-5316 frá Minjasaf ninu á Akureyri

133 – 26.5.2023 – Þrír bæir í Kelduhverfi

Þetta er Breiðavík í Vestur-Barðastrandarsýslu - Minjasafnið á Akureyri / m-stae-1-5284 frá Minjasafninu á Akureyri

132 – 19.5.2023 – Breiðavík

Myndin er frá Laugarvatni. Sigurður Kristinsson, prófessor við Háskólann á Akureyri, er alinn þar upp og sendi m.a. eftirfarandi: Myndin er tekin ofan úr fjallshlíðinni ofan við lundinn í kringum styttuna af Jónasi frá Hriflu, sem horfir niður eftir grasrennunni í skóginum á framhlið héraðsskólabyggingarinnar frá 1928, en Jónas var dóms- og kennslumálaráðherra 1927-1932. Til vinstri með sléttu þaki er viðbyggingin sem í var íþróttasalur og sundlaug, byggt 1942 en rifið á 10. áratugnum. Niðri á sléttlendinu fyrir aftan héraðsskólann er skólastjórabústaður Íþróttakennaraskólans, sem ég man eftir að hafa gengið undir nafninu Fuglinn. Hægra megin á myndinni er fyrst einbýlishúsið Garður, sem var lengi skólastjórabústaður Héraðsskólans en síðar bústaður skólameistara Menntaskólans. Lengst til hægri er svo elsti hluti húss Menntaskólans að Laugarvatni, byggður um og upp úr 1950. Við þessa byggingu var byggður turn á árunum 1959-60 þannig að myndin er tekin fyrir þann tíma. Myndin getur hins vegar ekki verið eldri en frá 1957 því að þá fyrst var lokið endurbyggingu Héraðsskólahússins eftir að burstirnar brunnu 1947.

Í baksýn eru Laugarvatn nær og Apavatn fjær. Aftan við Apavatn sést í Mosfell og þar fyrir aftan Vörðufell. Skógurinn í forgrunni er mun lægri á myndinni en hann er í dag, enda var þá fé beitt á skóginn og skógrækt ekki hafin. Minjasafnið á Akureyri / m-stae-1-5498 frá Minjasafninu á Akureyri

131 – 12.5.2023 – Laugarvatn

Ekki er vitað hvar þessi mynd er tekin eða hver ljósmyndarinn er. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / m-stae-1-5319 frá Minjasafninu á Akureyri

130 – 5.5.2023 – Grímsstaðir á Fjöllum

Þetta er bærinn Heiði í Gönguskörðum í Skagafirði, við Þverárfjallsveg norðan Sauðárkróks. - Minjasafnið á Akureyri / m-stae1-6592 frá Minjasafninu á Akureyri

129 – 28.4.2023 – Heiði í Gönguskörðum

Þetta er gamli bærinn í Merki á Jökuldal. Staðfest af núverandi ábúendum þar. - Minjasafnið á Akureyri / m-stae-1-5832 frá Minjasafninu á Akureyri

128 – 21.4.2023 – Merki á Jökuldal

Þetta eru þrír bæir í Kelduhverfi, frá vinstri, Kelduneskot, Keldunes og Framnes, skv. skeyti sem Egill Egilsson frá Syðri-Bakka í Kelduhverfi sendi Akureyri.net. - Minjasafnið á Akureyri / m-stae-1-5313 frá Minjasafninu á Akureyri

127 – 14.4.2023 – Kelduhverfi

Múlakot í Fljótshlíð; báðir Múlakotsbæirnir. Til hægri er austurbærinn og húsið vinstra megin er vesturbærinn. Litla hvíta húsið á milli bæjanna er hús listmálaranna, eins og það mun hafa verið kallað. Á fyrri hluta tuttugustu aldar var Múlakot einkum þekkt fyrir þrennt, garðinn í Múlakoti, hótelið og listmálarana. Ásgrímur Jónsson málaði þar til dæmis oft. Nánar hér um Múlakot: https://mulakot.is/ - / m-stae1-6601 frá Minjasafninu á Akureyri

126 – 7.4.2023 – Múlakot í Fljótshlíð

Þetta er Fosshóll við Goðafoss, nýbýli sem Sigurður Lúter Vigfússon byggði um 1930, á sama tíma og gerð var ný brú yfir Skjálfandafljót. m-stae1-6363 frá Minjasafninu á Akureyri

125 – 31.3.2023 – Fosshóll við Goðafoss

Grímsstaðir á Fjöllum - gamli bærinn - Minjasafnið á Akureyri / m-stae-1-5312 frá Minjasafninu á Akureyri

124 – 24.3.2023 – Grímsstaðir á Fjöllum

Bærinn Forsæludalur í Vatnsdal - Minjasafnið á Akureyri / m-stae1-6212 frá Minjasafninu á Akureyri

123 – 17.3.2023 – Forsæludalur í Vatnsdal

Þetta er Bifröst í Borgarfirði / m-stae1-6608 frá Minjasafninu á Akureyri

122 – 10.3.2023 – Bifröst

Hlíðarendi í Fljótshlíð - Minjasafnið á Akureyri / m-stae1-6602 frá Minjasafninu á Akureyri

121 – 3.3.2023 – Hlíðarendi í Fljótshlíð

Þetta er stórbýlið Egilsstaðir á Héraði, þar sem nú er rekið glæsilegt hótel. Mynd af býlinu tekin frá öðru sjónarhorni (mynd númer 82) birtist 3. júní á síðasta ári. - Minjasafnið á Akureyri / m-stae-1-7674-2 frá Minjasafninu á Akureyri

120 – 24.2.2023 – Egilsstaðabúið

Svertingsstaðir í Öngulsstaðahreppi. Minjasafnið á Akureyri / mstae-4-0888

119 – 17.2.2023 – Svertingsstaðir

Torfbærinn Helgastaðir í Saurbæjarhreppi. Minjasafnið á Akureyri / mstae-4-0088 frá Minjasafninu á Akureyri

118 – 10.2.2023 – Helgastaðir

Þetta er séra Benjamín Kristjánsson. Myndin er tekin í Reykjavík, aftan við Benjamín er Sóleyjargata 1. Minjasafnið á Akureyri / stae4-1554 frá Minjasafninu á Akureyri

117 – 3.2.2023 – Benjamín Kristjánsson

Þetta hús er Tjarnargata 24 í Reykjavík.

116 – 27.1.2023 – Tjarnargata 24

Ítarlegar upplýsingar hafa borist um þessa mynd: Þetta er Bakkagerðiseyri við Reyðarfjörð. Búðareyrin er litlu innar. Watnebræður byggðu þarna um eða rétt fyrir 1886. Bryggjan heitir Barkurinn og leifar hennar standa enn. Þeir munu hafa sökkt þarna barkskipi og byggt bryggjuna ofan á það. Næst fyrir ofan bryggjuna er pakkhús, sem nýtt var alveg fram yfir 1970. Þar fyrir ofan er annað pakkhús, líklega einnig nýtt sem sláturhús á tímabili. Þar fyrir ofan er hið eiginlega Wathnehús (snýr stafni í vestur með einn glugga) síðar nefnt Johansenshús eftir Rolf Johansen sem bjó þar og verzlaði. Næst kemur glæsilegt tveggja hæða íbúðarhús sem byggt var líklega 1918 (heitir Valhöll) úr efni úr öðru norsku húsi, Imslandshúsi sem stóð sunnan fjarðar. (Áður stóð á þessum stað íbúðarhús Watnebræðra sem þeir fluttu á Seyðisfjörð og varð þar eldi að bráð 1992) Síðan kemur steypt fjósbygging sem snýr norður suður. Efst er íbúðarhúsið Sunnuhvoll, byggt á þriðja áratugnum. Í fjörunni hér næst á myndinni er verzlunin Framsókn, síðast í eigu Kristins Magnússonar (hann bjó í Sunnuhvoli). Áður höfðu verlzað þar Thuliníus, Hinar sameinuðu ísl. verzlanir og Magnús Magnússon. Handan fjarðar eru Breiðihjalli og Eyrafjall. Þar í fjallsegginni er drangur sem heitir EYRARMAÐUR.

115 – 20.1.2023 – Reyðarfjörður

Þetta er bærinn Ytra-Gil í Hrafnagilshreppi (nú Eyjafjarðarsveit). Horft til suðurs, fram Eyjafjarðardalinn. Minjasafnið á Akureyri / mstae-4-0940

114 – 13.1.2023 – Ytra-Gil í Hrafnagilshreppi

Myndina tók Ólafur Jónsson ráðunautur og rithöfundur. Þarna er horft frá Suðureyri yfir Súgandafjörð að Norðureyri. Minjasafnið á Akureyri / a1-04071-10

113 – 6.1.2023 – Súgandafjörður

Ólafur Jónsson, ráðunautur og rithöfundur, tók þessa mynd. Þetta mun vera hótel Reynihlíð, myndin líklega tekin 1967 - Minjasafnið á Akureyri / a1-04108-09 frá Minjasafninu á Akureyri

112 – 30.12.2022 – Hótel Reynihlíð

Þetta er Naustavík, eyðibýli í Náttfaravíkum, vestan Skjálfanda, nokkurn veginn gegnt Húsavík. Borin hafa verið kennsl á tvo mannanna: Í dyrunum stendur Árni Jóhannesson mjólkurfræðingur og fyrir framan hann er Jón Sigurgeirsson frá Helluvaði. Ólafur Jónsson, ráðunautur og rithöfundur, tók þessa mynd.

111 – 23.12.2022 – Naustavík

Þetta er Þeistareykjaskáli, Ketilfjall í baksýn. Land Roverinn er með númerið A 201 og mun hafa verið í eigu Karls Hjaltasonar. Ólafur Jónsson, ráðunautur og rithöfundur, tók þessa mynd. / a1-04093-03 frá Minjasafninu á Akureyri

110 – 16.12.2022 – Þeistareykir

Grímstunga á Hólsfjöllum. „Drottningin“ Herðubreið í fjarska. Ólafur Jónsson, ráðunautur og rithöfundur, tók þessa mynd.

109 – 9.12.2022 – Grímstunga á Hólsfjöllum

Þetta er Ytri-Langamýri í Svínavatnshreppi, í Austur-Húnavatnssýslu. Ólafur Jónsson, ráðunautur og rithöfundur, tók þessa mynd.

108 – 2.12.2022 – Ytri-Langamýri í Svínavatnshreppi

Ólafur Jónsson, ráðunautur og rithöfundur, tók þessa mynd. Þetta er verbúð/hús sem stendur á aurkeilu Þófalækjar. Ólafur er þarna að skoða ummerki skriðunnar sem féll á hús sem stóð aðeins ofar við Þófalæk. Fimm manns létust þegar skriðan féll, 19. ágúst 1950. Talið er að myndin sé tekin nokkrum árum eftir skriðufallið, líklega 1954 eða 1955.

107 – 25.11.2022 – Seyðisfjörður

Þetta er gamli skíðaskálinn á Seljalandsdal á Ísafirði. Ólafur Jónsson, ráðunautur og rithöfundur, tók þessa mynd. / a1-04071-23 frá Minjasafninu á Akureyri

106 – 18.11.2022 – Seljalandsdalur

Þetta er Norðureyri við Súgandafjörð. Ólafur Jónsson ráðunautur og rithöfundur tók myndina, líklega laust eftir miðja síðustu öld og maðurinn fyrir miðri mynd Kristján Sigurðsson bóndi á bænum frá 1906 til 1949. Vert er að vekja athygli á steinfleyg – snjóflóðafleyg – vinstra megin á íbúðarhúsinu, sem er lengst til vinstri á myndinni. Hin húsin voru sögð í vari fyrir mögulegum snjóflóðum. Mynd sem tekin er á sama tíma birtist í bókinni Skriðuföll og snjóflóð eftir Ólaf Jónsson, 3. bindi (1992). - Minjasafnið á Akureyri / a1-04071-11 frá Minjasafninu á Akureyri

105 – 11.11.2022 – Norðureyri við Súgandafjörð

Ólafur Jónsson ráðunautur og rithöfundur tók þessa mynd. Margar ábendingar bárust um að þetta væru Reykhólar í Austur-Barðastrandasýslu, eins og svæðið kallaðist þá. Mynd / a1-04071-28 frá Minjasafninu á Akureyri

104 – 4.11.2022 – Reykhólar

Ólafur Jónsson, ráðunautur og rithöfundur, tók þessa mynd. Lesandi skrifar: Myndin er tekin af gamla þjóðveginum rétt austan við bæinn Grund, í áttina að Reykhólum. Hús tilraunastöðvarinnar næst. Kirkjan fjær til hægri. Sér yfir á Skarðsströnd. - Minjasafnið á Akureyri / a1-04071-31 frá Minjasafninu á Akureyri

103 – 28.10.2022 – Reykhólar

Þetta eru Hofsstaðir í Viðvíkursveit í Skagafirði. Gamla bærinn var rifinn á seinni hluta síðustu aldar af þáverandi eiganda Hofsstaða, sagði einn þeirra sem sendi upplýsingar um myndina og bætti við: Núverandi eigendur eru þeir sömu og að Hofsstaðaseli, þarna næst norðan við. Ólafur Jónsson, ráðunautur og rithöfundur, tók þessa mynd.

102 – 21.10.2022 – Hofsstaðir í Skagafirði

Þetta er brúin yfir Jökulsá á Fjöllum skammt frá Grímsstöðum sem byggð var 1947. Ólafur Jónsson, ráðunautur og rithöfundur, tók þessa mynd.

101 – 14.10.2022 – Brúin yfir Jökulsá á Fjöllum

Ólafur Jónsson, ráðunautur og rithöfundur, tók þessa mynd í Fljótsdal á Héraði, við kirkjustaðinn Valþjófsstað. Berggangurinn sem skásker Valþjófsstaðafjall kallast Tröllkonustígur og er mjög áberandi. Húsið á myndinni, Ungmennafélagshúsið, var byggt á árunum 1912 til 1917 af Ungmennafélagi Fljótsdæla og varð miðstöð alls félagsstarfs í sveitinni, skv. Fljótsdælu, bók Helga Hallgrímssonar náttúrufræðings um mannlíf og náttúrufar í Fljótsdalshreppi. Húsið var síðar rifið og nýtt byggt á sama stað um 1960. Það heitir Végarður er nú samkomuhús sveitarinnar.

100 – 7.10.2022 – Fljótsdalur

Ólafur Jónsson, ráðunautur og rithöfundur, tók þessa mynd. Þetta er leitarmannakofi á Þeistareykjum, sjá mynd í Ódáðahrauni, 1. bindi, bls. 40 eftir Ólaf Jónsson. Mynd af kofanum frá öðrum sjónarhorni birtist hér 10. júní, mynd númer 83

99 – 30.9.2022 – Leitarmannakofi á Þeistareykjum

Ólafur Jónsson, ráðunautur og rithöfundur, tók þessa mynd á jörðinni Sellandi í Fnjóskadal, sem Sigurður O. Björnsson prentsmiðjustjóri keypti og stundaði þar gríðarlega umfangsmikla skógrækt. Sigurður og síðari eiginkona hans, Kristín Bjarnadóttir, eru vinstra megin á stéttinni en ekki er vitað hverjir mennirnir tveir eru. Jeppinn á myndinni var í eigu Sigurðar og Kristínar; strangt til tekið var jeppabifreiðin raunar í eigu Ingibjargar dóttur þeirra, sem vann bílinn í happdrætti þegar hún var sjö ára gömul!

98 – 23.9.2022 – Selland í Fnjóskadal

Ólafur Jónsson, ráðunautur og rithöfundur, tók þessa mynd. Þetta eru leifar Krýsuvíkurbæjarins og Krýsuvíkurkirkja um 1950. Hæsti tindur Sveifluhálsins að handan er Miðdegishnúkur (Hádegishnúkur). Á miðri mynd, milli húsanna og kirkjunnar sést til Stóra-Nýjabæjar. Ofan bæjarins er Tindhóll. Bæirnir voru jafnaðir við jörðu með jarðýtu með samþykki Þjóðminjavarðar um 1958. Kirkja, sem fékk að standa áfram, hafði verið aflögð sem slík og notuð sem íbúðarhúsnæði þegar þessi mynd var tekin. - Minjasafnið á Akureyri / a1-04087-03 frá Minjasafninu á Akureyri

97 – 16.9.2022 – Krýsuvík

Ólafur Jónsson, ráðunautur og rithöfundur, tók þessa mynd. Skemmtilegar upplýsingar birtust frá lesendum: Tvær íbúðir voru í tilraunastöðinni, stofan hjá yfirmanninum var þar sem stóri glugginn er, ráðsmaðurinn bjó í hinum endanum. Eldhúsið sneri að fjallinu. Það var í stofunni þarna sem Sigfús Halldórsson samdi hið þekkta lag Litla flugan við ljóð Sigurðar Elíassonar, sem var yfirmaður á tilraunastöðinni.

96 – 9.9.2022 – Tilraunastöðin á Reykhólum

Þetta eru Vaglir I í Fnjóskadal, skv. upplýsingum sem borist hafa. Húsin munu hafa verið byggð 1912. Ólafur Jónsson, ráðunautur og rithöfundur, tók þessa mynd. a1-04070-03 frá Minjasafninu á Akureyri

95 – 2.9.2022 – Vaglir í Fnjóskadal

Bærinn Hólmar í Reyðarfirði. Myndin er tekin annað hvort eftir skriðuna sem féll úr Hólmatindi á Hólmatún 15. júlí 1950 eða skriðu sem féll 20. sept 1953. Skriðan rann einnig yfir hluta af kirkjugarðinum. Ólafur Jónsson, ráðunautur og rithöfundur, tók þessa mynd. Minjasafnið á Akureyri / a1-04063-04 frá Minjasafninu á Akureyri

94 – 26.8.2022 – Hólmar í Reyðarfirði

Ólafur Jónsson, ráðunautur og rithöfundur, tók þessa mynd. Þær upplýsingar hafa borist að þetta eru Gunnsteinsstaðir í Langadal.

93 – 19.8.2022 – Gunnsteinsstaðir í Langadal

Ólafur Jónsson ráðunautur og rithöfundur tók myndina, þetta er Stöng í Þjórsárdal.

92 – 12.8.2022 – Stöng í Þjórsárdal

Ólafur Jónsson, ráðunautur og rithöfundur, tók þessa mynd. Þetta er neðsta brúin á Skjálfandafljóti. Myndin er tekin sunnan vegar við austurendann, í áttina að Kinninni. Seinna var handriðinu breytt.

91 – 5.8.2022 – Brú á Skjálfandafljóti

Ólafur Jónsson ráðunautur og rithöfundur tók myndina. Þetta er Galtalækur við Akureyrarflugvöll.

90 – 29.7.2022 – Galtalækur við Akureyrarflugvöll

Ólafur Jónsson ráðunautur og rithöfundur tók þessa mynd. Þarna er gamla hlaðan í Slútnesi í Mývatnssveit, að baki er Hlíðarfjall eða Reykjahlíðarfjall.

89 – 22.7.2022 – Slútnes í Mývatnssveit

Ólafur Jónsson ráðunautur og rithöfundur tók þessa mynd. Þarna er Óshólaviti við Óshlíð, rétt utan við Bolungarvík.

88 – 15.7.2022 – Óshólaviti við Óshlíð

Ólafur Jónsson ráðunautur og rithöfundur tók þessa mynd. Ítarlegar upplýsingar bárust: Umrædd mynd sýnir hús Gróðrarstöðvarinnar á Eiðum, sem svo var kölluð, en hét formlega Tilraunastöð Búnaðarsambands Austurlands á Eiðum. Samkvæmt Búkollu (Sveitir og jarðir í Múlaþingi II. bindi) var húsið reist 1909. „Árið 1909 var byggt í Gróðrarstöðinni járnklætt timburhús á tveim hæðum, 10,08x6,30m. Íbúð var uppi og stafngluggi á stofu í suðurenda með góðu útsýni yfir aðgreinda tilraunareiti um ræktunarlandið, vaxna margvíslegum tegundum jarðargróða. Niðri var geymsla fyrir áhöld og kornbundin ásamt aðstöðu og handáhöldum til þreskingar, en neðst fjós (áður verkfærageymsla) í steyptri kjallaraholu. Inngangur af hlaði vestan við og handan þess fallegur garður um 60 m á langveginn vaxinn trjám, runnum og blómum. Norður frá og áfast íbúðarhúsinu var dálítil hlaða steypt og hesthús fyrir átta vinnuhesta stöðvarinnar, en fjárhús við austurjaðar túnsins sunnan til.“

Starfsemin lagðist niður á árunum 1942-43 og voru húsin, samkvæmt því sem segir í Búkollu, rifin nokkrum árum síðar. Það sjást þó enn merki um garðinn sem sést á myndinni.

87 – 8.7.2022 – Tilraunastöðin á Eiðum

Lindarbrekka í Kelduhverfi; Gamla Lindarbrekka eins og húsið er kallað í dag. Athugið að R vantar í nafnið sem málað er á húsið; það á að vera LindaRbrekka... Í húsinu var á tímabili gistihús og veitingasala auk þess sem selt var eldsneyti enda komu áætlunarbifreiðar á milli Akureyrar og Raufarhafnar þar við. Eftirfarandi upplýsingar bárust einnig: Um 1950 voru Indriði Hannesson og Kristín Jónsdóttir ábúendur í Lindarbrekku. Í baksýn er Framnes en þar var ábúandi Jóhannes Jónsson bróðir Kristínar í Lindarbrekku. Nær Lindarbrekku sést í Kelduneskot og þar var Sigurbjörn Hannesson ábúandi, bróðir Indriða í Lindarbrekku. Í Keldunesi, sem er rétt utan myndsviðsins, bjuggu tvíburabræðurnir Helgi og Sigtryggur, bræður Jóhannesar í Framnesi og Kristínar í Lindarbrekku. – Myndina tók Ólafur Jónsson ráðunautur og rithöfundur.

86 – 1.7.2022 – Lindarbrekka

Þetta er á Seyðisfirði árið 1950. Myndin er tekin niður farveg Hæðarlækjar og í átt að húsunum Hæð og Ytri-Hæð og síðan gömlu síldarbræðslunni þar fyrir neðan. Ólafur Jónsson ráðunautur og rithöfundur tók myndina. –Rannsóknarskýrsla um skriðuföll á Seyðisfirði sem kom út 2016 má finna á þessari slóð:
http://www.vedur.is/gogn/snjoflod/haettumat/se/haettumatskynning-agust-2019/2017_001_ISOR_Seydisfj_skridurannsoknir2016.pdf

Þar segir meðal annars: „Örlagaríkasta skriðufallið sem vitað er um á Seyðisfirði varð í Þófalæk þann 19. ágúst 1950. Þá braut skriða niður íbúðarhús að Strandarvegi 26 og varð fimm manns að bana.“ Fram kemur að Ólafur Jónsson fór á vettvang sumarið eftir og skoðaði öll ummerki vandlega. Önnur skriða hafði fallið nákvæmlega á sama tíma niður Hæðarlæk og valdið tjóni á Síldarverksmiðjunni.“

85 – 24.6.2022 – Seyðisfjörður

Þetta er hin svokallaða Búðareyri á Seyðisfirði, þar sem Hús Otto Wathne stendur. Fleiri Wathnehús stóðu þar, m.a. fremstu húsin tvö til hægri, en eru nú bæði horfin – Ólafur Jónsson ráðunautur og rithöfundur tók myndina.

84 – 17.6.2022 – Búðareyri á Seyðisfirði

Leitarmannakofi á Þeistareykjum – Ólafur Jónsson ráðunautur og rithöfundur tók myndina og birtist hún í ritverki hans, Ódáðahraun, 1. bindi, bls. 40, útgáfuár: 1945.

83 – 10.6.2022 – Leitarmannakofi á Þeistareykjum

Þetta er stórbýlið Egilsstaðir á Héraði, þar sem nú er rekið glæsilegt hótel. Ólafur Jónsson, ráðunautur og rithöfundur, tók myndina. / a1-04048-07 frá Minjasafninu á Akureyri

82 – 3.6.2022 – Egilsstaðir á Héraði

Ásaskóli í Gnúpverjahreppi. Ólafur Jónsson, ráðunautur og rithöfundur, tók þessa mynd. a1-04053-07 frá Minjasafninu á Akureyri

81 – 27.5.2022 – Ásaskóli í Gnúpverjahreppi

Þetta er orlofshús símamanna í Vaglaskógi, byggt 1934. Ólafur Jónsson, ráðunautur og rithöfundur, tók þessa mynd / a1-04046-07 frá Minjasafninu á Akureyri

80 – 20.5.2022 – Bústaður símamanna í Vaglaskógi

Möðrudalur á Fjöllum. Ólafur Jónsson, ráðunautur og rithöfundur, tók þessa mynd / a1-04066-05 frá Minjasafninu á Akureyri

79 – 13.5.2022 – Möðrudalur á Fjöllum

Guðmundur Trjámannsson, ljósmyndari á Akureyri, tók þessa mynd. Þetta er bærinn Ærlækur í Öxarfirði.

78 – 6.5.2022 – Ærlækur í Öxarfirði

Guðmundur Trjámannsson, ljósmyndari á Akureyri, tók þessa mynd, en ekki er vitað hvar. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / 15-15042

77 – 29.4.2022 – Hvammsbæirnir í Dýrafirði

Mýrar og Mýrarkirkja í Dýrafirði. Guðmundur Trjámannsson, ljósmyndari á Akureyri, tók þessa mynd.

76 – 22.4.2022 – Mýrar og Mýrarkirkja í Dýrafirði

Guðmundur Trjámannsson, ljósmyndari á Akureyri, tók þessa mynd, en ekki er vitað hvar. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / 15-15046

75 – 15.4.2022 – Hafrafellstunga í Öxarfirði

Vík í Mýrdal. Guðmundur Trjámannsson, ljósmyndari á Akureyri, tók þessa mynd. Minjasafnið á Akureyri / 15-150348

73 – Vík í Mýrdal

Drangsnes í Steingrímsfirði. Guðmundur Trjámannsson, ljósmyndari á Akureyri, tók þessa mynd. Minjasafnið á Akureyri / 15-15044

74 – Drangsnes í Steingrímsfirði

Hólmavík. Guðmundur Trjámannsson, ljósmyndari á Akureyri, tók þessa mynd. Minjasafnið á Akureyri / 15-15037

72 – Hólmavík

Guðmundur Trjámannsson, ljósmyndari á Akureyri, tók þessa mynd. Þær upplýsingar hafa borist að þetta sé Hafrafellstunga í Öxarfirði - nafnið á bænum var oft stytt og hann kallaður Tunga. Minjasafnið á Akureyri / 15-15021

71 – Hafrafellstunga í Öxarfirði

Ekki er vitað hvar myndin er tekin eða hver ljósmyndarinn var. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 219-156

70 – 11.3.2022 – Hús sunnan við Hótel Valhöll á Þingvöllum

Ekki er vitað hvar myndin er tekin eða hver ljósmyndarinn var. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 120-85

69 – 4.3.2022 – Uppsalir í Eyjafirði

Formannshúsið á Húsavík. Húsið stendur rétt norðan við gömlu kaupfélagshúsin og var byggt yfir kaupfélagsstjórann. - Minjasafnið á Akureyri / Album 231-54

68 – 25.2.2022 – Formannshúsið á Húsavík

Gamla brúin á Skjálfandafljóti við Fosshól. Verslun KSÞ, Kaupfélags Svalbarðseyrar, til vinstri og Fosshólsbærinn fyrir miðju en þar var lengi vel símstöð.

67 – 18.2.2022 – Fosshóll við Skjálfandafljót

Myndin er tekin á bænum Leirubakka í Landsveit. Húsið á myndinni er „gamli bærinn sem búið er að rífa núna, ábúendur á þessum tíma voru Magnús Sigurðsson og Jóhanna Jónsdóttir,“ skrifaði Gunnar Sigurjónsson í skeyti til Akureyri.net. Magnús og Jóhanna voru afi hans og amma.

Stúlkan á myndinni er Jóhanna Sigurjónsdóttir, systir Gunnars. Honum sýndist það og Jóhanna staðfesti að svo sé. Hundurinn á myndinni hét Kópur, segir Jóhanna og bætir við að myndin sé tekin á tímabilinu 1963 til 1965.

Jóhanna segist hafa verið mörg sumur í sveit hjá afa sínum og ömmu á Leirubakka. Móðurbræður hennar áttu hins vegar bílana á myndinni; nær er Willys Overland árgerð 1951, segir Jóhanna, sem notaður var til að fara í réttir í Réttarnesi. „Bekkir voru sitt hvoru megin aftur í og þar var spjallað, sungið og teigaðar guðaveigar, þar smakkaði ég ginger ale í fyrsta sinn – var notað sem bland.“

Hinn bíllinn er Vibon, sennilega árgerð 1948 að sögn Jóhanna. Sá var notaður þegar fairð var í veiðiferðir í Veitivötn á Landmannaafrétti, að sögn hennar.

66 – Leirubakki í Landsveit

Myndin er tekin við Munkaþverá í Eyjafirði. Una Margrét Jónsdóttir, útvarpskona, skrifaði eftirfarandi: „Ég er nú búin að sýna Kristínu Jónsdóttur móður minni (Gígí) myndina. Það er rétt að hún er tekin á Munkaþverá sunnan undir húsveggnum. Samkvæmt áliti mömmu eru þessir á myndinni, talið frá vinstri. Aftari röð: Ingólfur Pálsson frá Uppsölum, óþekktur, Jónas Þorleifsson frá Grýtu (eða bróðir hans), svo Jónas Halldórsson frá Rifkelsstöðum. Drengurinn er líklega Jón Stefánsson á Munkaþverá, þá kemur óþekktur maður, svo Garðar Halldórsson frá Rifkelsstöðum og síðast Marinó Jónsson frá Uppsölum. (Fyrst var mamma reyndar á því að sá ysti til hægri væri Þorbjörn eða Sigurjón frá Borgarhóli, en hallaðist svo að því að það væri Marinó.) Þá kemur fremri röð frá vinstri: Líklega er Stefanía frá Steinsstöðum í Öxnadal yst t.v. þær næstu tvær álítur mamma að séu frænkur okkar, tvíburarnir Laufey og Sigríður Stefánsdætur, en er þó ekki alveg viss. Þá kemur Sigríður Halldórsdóttir frá Rifkelsstöðum, svo óþekktur maður og þrjár óþekktar konur, en ystur til hægri er, samkvæmt áliti mömmu, Valtýr Jónsson frá Borgarhóli. Allra fremst sjást höfuð tveggja ungra pilta og heldur mamma að sá sem er til vinstri geti verið Jóhann Rist. Þess skal líka getið að mömmu finnst líka koma til greina að stúlkan með flétturnar, þriðja frá hægri, sé Sigríður Stefánsdóttir, en þá getur hún náttúrlega ekki verið þriðja frá vinstri.“

65 – Munkaþverá í Eyjafirði

Eftirfarandi upplýsingar hafa borist um húsið: Upphaflega Hvammur í Fögrubrekku á Þingvöllum. Byggt af Pétri Gunnarssyni 1907 fyrir konungskomuna það ár, þá notað sem ráðskonubústaður á völlunum en var flutt á Valhallarstíg fyrir Alþingishátíðina 1930. Húsið var selt 1960 og notað sem sumarbústaður en var svo flutt árið 2000 að Nátthaga í Fljótshlíð. Jón Valur Jónsson „listasmiður og arkitekt gerðu húsið fallega fallega og vel upp,“ segir í skeyti sem barst. - Minjasafnið á Akureyri / Album 116-46

64 – Hvammur í Fögrubrekku á Þingvöllum

Ekki er vitað hvar myndin er tekin, hverjir mennirnir á myndinni eru eða hver ljósmyndarinn var. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 63-40

63 – 21.1.2022 – Eiríksstaðir á Jökuldal

Þetta er Jóhann Kristinn Daníelsson; Jói Dan, kennari, söngvari og lífskúnstner, fæddur 18.11. 1927, dáinn 23.11. 2015. Hann gæti verið um tvítugt á myndinni að því talið er. Jóhann bjó og starfaði lengst af á Akureyri og á Dalvík. Myndin er tekin á Blönduósi, húsið að baki Jóhanns er Pétursborg en fjær hús Snorra Arnfinnssonar hótelstjóra - Minjasafnið á Akureyri / Album 56-48

62 – 14.1.2022 – Jóhann Daníelsson

Ekki er vitað hvar myndin er tekin, hver konan er eða stúlkurnar og heldur ekki hver ljósmyndarinn var. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 122-231

61 – 7.1.2022 – Veistu hvar þetta er?

Munkaþverá í Eyjafirði - Minjasafnið á Akureyri / Album 54-2.

60 – Munkaþverá í Eyjafirði

Húsnæði Náttúrulækningafélags Íslands (NLFÍ) í Hveragerði í byggingu. Byggingameistari var Jón Guðmundsson (1911 - 2003) en ekki er staðfest að hann sé maðurinn á myndinni. - Minjasafnið á Akureyri / Album 38-2

59 – Húsnæði NLFÍ í Hveragerði

58 - Sterling, fyrsta strandferðaskip í eigu ríkisins, strandað við Brimnes í Seyðisfirði 1. maí 1922. Allir um borð björguðust en skipið eyðilagðist á strandstað. - Minjasafnið á Akureyri / Album 34-9.

58 – Sterling strandað við Brimnes

Torfbær í Svarfaðardal. Horft í áttina að Stólnum, gæti verið bærinn Steindyr en þó talið líklegra að það sé Þverá - Minjasafnið á Akureyri / Album 42-20.

57 – 10.12.2021 – Svarfaðardalur

Ekki er vitað hvar myndin er tekin, hvaða tónlistarmenn þetta eru eða hver ljósmyndarinn var. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 34-35.

56 – 3.12.2021 – Veistu hverjir þetta eru?

Munkaþverá í Eyjafirði. Mennirnir standa fyrir framan Ungmennafélagshúsið, samkomuhús sem Ungmennafélagið Ársól lét reisa um 1924 en var rifið einhvern tíma milli 1980 og 1990. Minjasafnið á Akureyri / Album 54-52

55 – 26.11.2021 – Munkaþverá í Eyjafirði

Hvorki er vitað hvar myndin er tekin né hver ljósmyndarinn var. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 219-165

54 – 19.11.2021 – Veistu hvar þetta er?

Hvorki er vitað hvar myndin er tekin né hver ljósmyndarinn var. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 222-049

53 – 12.11.2021 – Veistu hvar þetta er?

52 – Stóra-Núpskirkja, sem er í Hrunaprestakalli í Suðurprófastsdæmi. - Minjasafnið á Akureyri / Album 222-054

52 – Stóra-Núpskirkja

Ekki er vitað hvar myndin er tekin, hvert fólkið er eða hver tók myndina. Þeir sem kunna að búa yfir upplýsingum um myndina eru hvattir til að senda þær til Minjasafnsins á Akureyri, á netfangið hg@minjasafnid.is - Minjasafnið á Akureyri / Album 223-033

51 – 29.10.2021 – Veistu hvar þetta er?

50 – Skátar við torfbæinn í Miklabæ í Skagafirði sem brann vorið 1967. Miklabæjarkirkja, til vinstri, brann 17.2. 1973. - Minjasafnið á Akureyri / Album 222-055

50 – Miklibær í Skagafirði

49 – Skátar við Breiðabólstarðarkirkju í Fljótshlíð, sem Rögnvaldur Ólafsson teiknaði og var vígð 1912. - Minjasafnið á Akureyri / Album 222-055

49 – Breiðabólstaðarkirkja í Fljótshlíð

48 – Bóla í Blönduhlíð, Akrahreppi í Skagafirði - Minjasafnið á Akureyri / Album 39-013

48 – Bóla í Blönduhlíð

47 – Ferjukot í Borgarfirði, við Hvítá - Minjasafnið á Akureyri / Album 219 - 098

47 – Ferjukot í Borgarfirði

46 – Gæsir á Hvítá við Ferjukot í Borgarfirði - Minjasafnið á Akureyri / Album 219 - 123

46 – Hvítá við Ferjukot

45 – Þetta er bærinn Tunga í Fljótshlíð. Myndin er tekin fyrir 1942, maðurinn í vestinu sem stendur þarna er Guðjón Jónsson, fæddur 20.03. 1872, dáinn 05. 04. 1952. - Minjasafnið á Akureyri / Album 222 - 030

45 – Tunga í Fljótshlíð

44 – Prestshúsið á Skútustöðum í Mývatnssveit. Húsið stendur enn og hýsir nú Náttúrurannsóknarstöðina við Mývatn. - Minjasafnið á Akureyri / Album 219 - 147

44 – Prestshúsið á Skútustöðum

Þetta mun vera Hraun í Öxnadal. Lesandi skrifar: Viðbyggingin sem glittir í lengst til hægri, sést á gömlum myndum, en er nú horfin. - Minjasafnið á Akureyri / Album 219 - 120

43 – 3.9.2021 – Hraun í Öxnadal

42 – Ferðafólk við Víðivelli í Skagafirði - Minjasafnið á Akureyri / Album 219 - 058

42 – Víðivellir í Skagafirði

41 – Haraldur Briem Ólafsson (1909 - 1989) bankagjaldkeri. Bærinn er Eyvindarmúli innarlega í Fljótshlíð. Minjasafnið á Akureyri / Album 222-029

41 – Haraldur Briem Ólafsson

40 – Gamli barnaskólinn á Flúðum í Hrunamannahreppi, rifinn fyrir margt löngu - Minjasafnið á Akureyri / Album 222-046

40 – Gamli barnaskólinn á Flúðum

39 - Þetta er Hleiðargarður í gamla Saurbæjarhreppi í Eyjafirði. Seinna var byggt á milli baðstofunnar og fjóssins, sem var byggt 1927. Fjósið er nyrst, lengst til hægri á myndinni. Til vinstri við hestana er baðstofan, það var búið í þessu húsi allt til 1974 - 1979. Myndin er tekin um 1934. - Minjasafnið á Akureyri / Album 041-095

39 – Hleiðargarður í Eyjafirði

38 – Hveravellir í Reykjahverfi - Minjasafnið á Akureyri / Album 078-138

38 – Hveravellir í Reykjahverfi

Ekkert er vitað um mynd dagsins að þessu sinni; hvorki nafn ljósmyndarans né hvar myndin er tekin. Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Album 082-092

37 – 23.7.2021 – Veistu hvar þetta er?

36 - Torfkirkjan í Víðimýri í Skagafirði. Myndin tekin neðan við bæinn (gamla bæinn) og sést bakgafl kirkjunnar og klukku-hliðið fyrir framan. - Minjasafnið á Akureyri / Album 047-108

36 – Víðimýri í Skagafirði

35 - Þrasastaðir í Fljótum - Minjasafnið á Akureyri / Album 223-027

35 – Þrasastaðir í Fljótum

34 - Þetta er bærinn á Kálfaströnd í Mývatnssveit, og húsið svokallað Valdahús. Þar bjó Valdimar Halldórsson. -Minjasafnið á Akureyri / Album 078-090

34 – Kálfaströnd í Mývatnssveit

33 - Bærinn heitir Ingjaldsstaðir og er ofan við Fosshól, við mynni Bárðardals. Húsið er byggt 1917 og er elsta steinhús í sveitinni sem ekki er hlaðið. Því hefur verið haldið við í upprunalegri mynd. - Minjasafnið á Akureyri / Album 223-029

33 – Ingjaldsstaðir

Ekkert er vitað um mynd dagsins að þessu sinni; hvorki nafn ljósmyndarans né hvar myndin er tekin. Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Album 078-089

32 – 18.8.2021 – Veistu hvar þetta er?

31 – Gamli bærinn í Reykjahlíð í Mývatnssveit – Minjasafnið á Akureyri / Album 078-168

31 – Reykjahlíð í Mývatnssveit

30 - Upplýsingar hafa borist um að þetta sé húsið Byggðarendi á Þingeyri við Dýrafjöð og myndin sé tekin fyrir 1950. „Í fjarska sér í endann á Mýrafelli,“ sagði kona sem sendi línu. Þeir sem kunna að búa yfir frekari upplýsingum vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Album 082-069

30 - Byggðarendi á Þingeyri?

29 - Þetta er Gimli, gamla læknishúsið á Dalvík, og Hrísey í fjarska. Húsið stendur á horni Sogntúns og Hafnarbrautar. Minjasafnið á Akureyri / Album 080-057

29 - Gimli á Dalvík

28 - Þetta er gamli bærinn í Stóra-Dunhaga í Hörgárdal. Húsið var byggt 1919. - Minjasafnið á Akureyri / Album 260-148 - Minjasafnið á Akureyri / Album 260-147

28 - Stóri-Dunhagi í Hörgárdal

27 - Þetta er gamli bærinn í Stóra-Dunhaga í Hörgárdal. Húsið var byggt 1919. - Minjasafnið á Akureyri / Album 260-148

27 - Stóri-Dunhagi í Hörgárdal

26 - 7.5.2021 - Ekkert er vitað um mynd dagsins að þessu sinni; ekki nafn ljósmyndarans, hvar myndin er tekin eða hver maðurinn er. Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Album 247-165

26 - 7.5.2021 – Þekkir einhver manninn?

25 - 30.4.2021 - Ekkert er vitað um mynd dagsins að þessu sinni; hvorki nafn ljósmyndarans né hvar myndin er tekin. Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Album 041-025

25 - 30.4.2021 - Hvaða hús er þetta?

24 - Frá Búðum í Fáskrúðsfirði og Fáskrúðsfjarðarkirkja. Stóra húsið á miðri mynd heitir Ás en það brann einhvern tíma um 1970. Litla húsið (hvítt) sem lúrir þar skáhallt fyrir neðan heitir Dvergasteinn en það var rifið fyrir mörgum árum. Fjallið sem vakir yfir Fáskrúðsfirði heitir Hoffell. - Minjasafnið á Akureyri / Album 029-199

24 - Búðir í Fáskrúðsfirði

23 - 16.4.2021 - Þetta er bærinn Háls í Saurbæjarhreppi í Eyjafirði. Skv. ábendingu Gunnars Jónssonar er Ottó Gottfreðsson lengst til vinstri, við hlið hans Benedikt Ingimarsson sem átti heima á Hálsi alla sína tíð og sá næsti, sem heldur á einhverju – etv. hundi – gæti vel verið Ármann Ingimarsson, að mati Gunnars. Líklegt er að maðurinn sem stendur fyrir dyrum sá Ingimar Traustason, bóndi á Hálsi, faðir Benedikts. Pálmi Ólafsson (hálfbróðir Ottós) sem átti og rak blaðavagninn á Ráðhústorgi á Akureyri forðum daga gæti vel verið sá sem er lengst til hægri.

23 - 16.4.2021 - Háls í Saurbæjarhreppi

22 - 9.4.2021 - Myndin er af bænum Hvoli í Mýrdal, tekin af séra Sveinbirni Högnasyni sem ólst þar upp. Konan er Anna Eyjólfsdóttir, heimasæta á bænum. Þorsteinn Jónsson, afabarn sr. Sveinbjörns segir myndina að öllum líkinduma tekna árið 1923, hann eigi fleiri myndir í fjölskyldualbúmi sem líklega séu teknar sama dag.- Minjasafnið á Akureyri / Album 29-357

22 - 9.4.2021 - Anna Eyjólfsdóttir á Hvoli

21 - 2.4.2021 - Ekkert er vitað um mynd dagsins að þessu sinni; ekki nafn ljósmyndarans, hvaða fólk þetta er eða hvar myndin er tekin. Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Album 247-120

21 - 2.4.2021 - Þekkirðu fólkið eða staðinn?

20 - 26.3.2021 - Ekkert er vitað um mynd dagsins að þessu sinni; hvorki nafn ljósmyndarans né hvar myndin er tekin. Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Album 247-082

20 – 26.3.2021 – Hvaða hús er þetta?

19 - Auðbrekka í Hörgárdal. Húsið byggðu bræðurnir Þórir Valgeirsson og Stefán Valgeirsson, síðar alþingismaður, fyrir fjölskyldur sínar um 1950. Minjasafnið á Akureyri / Mynd 260-101

19 – Auðbrekka í Hörgárdal

18 - Húsið Jómsborg við Heimatorg í Vestmannaeyjum. Það fór undir hraun í gosinu 1973. Jómsborg var reist árið 1912 af Jóni Sighvatssyni og var hið myndarlegasta hús. - Minjasafnið á Akureyri / Mynd 029-030

18 - Jómsborg í Vestmannaeyjum

17 – Lesandi sendi eftirfarandi: Myndin er tekin á horni Glerárgötu og Gránufélagsgötu á Akureyri, horft er austur Gránufélagsgötu yfir Glerárgötu. Stúlkan sem situr sparksleðann er Anna Sigríður Eggertsdóttir Guðmundar byggingameistara frá Siglunesi sem byggði Gránufélagsgötu 11 og bjó þar ásamt Stefaníu Sigurðardóttur frá Kambhóli og 9 börnum. Stúlkan sem stendur er Hlín Jónsdóttir Jónatanssonar járnsmiðs sem bjó í Glerárgötu 3 ásamt konu sinni Þórunni Friðjónssyni frá Sandi. Anna var fædd 1910 og Hlín 1911 og voru þær vinkonur og nábúar. Tvö húsin sem er nær eru farin í dag og húsið sem er næst var kallað Guðmundarhús en þar átti heima Guðmundur og fjölskylda, einn sonur þeirra er Jón Oddgeir Guðmundsson sem í dag býr í og á Glerárgötu 1. Hann á líka „Litlu búðina“ sem er þar í bakhúsi og selur hann þar t.d. bílabænina. Næsta hús þarna var kallað Strýta og Ferðafélagið fékk það hús og flutti að ég held inn í Herðubreiðalindir og er þetta hús skáli þar í dag. Húsið sem sér aðeins í gaflinn á er Gránufélagsgata 19. - Minjasafnið á Akureyri / Mynd 080-030

17 – Anna Sigríður og Hlín

16 - Tveir hestar og hundur í hnakki, við torfbæinn á Hólum í Eyjafirði. Minjasafnið á Akureyri / Mynd 208-061

16 - Hólar í Eyjafirði

15 - 19.2.2021 - Þessi mynd er tekin aftan við núverandi bæjarhús á Saurbæ í Eyjafirði. Hvíta timburhúsið var byggt sunnan við torfbæinn haustið 1920 fyrir séra Gunnar Benediktsson. Lengst til hægri sér í steyptan kjallara íbúðarhússins sem byggt var fyrir séra Gunnar. Drengurinn á myndinni er Benedikt Gunnarsson, sonur Gunnars og fyrri eiginkonu hans, Sigríðar Gróu Þorsteinsdóttur. - Minjasafnið á Akureyri / Mynd 247-013

15 - 19.2.2021 - Saurbær

Þetta er Kvíabekkjarkirkja Í Ólafsfirði en ekki hafa borist ábendingar um nein nöfn á fólki. Minjasafnið á Akureyri / Mynd 047-075

14 - Kvíabekkjarkirkja Í Ólafsfirði

Hamarskotshamar í Hafnarfirði í fjarska. Ljósmyndarinn stendur á „skólamölinni“ við Barnaskóla Hafnarfjarðar, síðar Lækjarskóla, og leikfimiflokkurinn er á skólalóðinni. Gatan vinstra megin á myndinni er Öldugata. Langa húsið handan Öldugötu var oft kallað „bæjarbyggingin“. Lesandi, sem sendi upplýsingar, segir meðal annars: „Lengst til hægri á myndinni er hús sem mér sýnist vera með flatt þak og var að jafnaði kallað „kassahúsið“, einnig eftir að á það hafði verið sett venjulegt hallandi þak.“ Líklega er þetta Jónsmessuhátíð 29. júní 1924. Minjasafnið á Akureyri / Mynd 29-358

13 - Hafnarfjörður

12 - Myndin er tekin við Varmá, við reisugildi fyrstu hæðar og kjallara Brúarlandsskóla í Mosfellssveit. - Minjasafnið á Akureyri / Mynd 29-317

12 - Varmá í Mosfellssveit

11 - Hyrningur er Hornbrekkuvegur 7 á Ólafsfirði. Borist hafa upplýsingar um að maðurinn á myndinni sé Halldór Kristinsson með Braga son sinn. Myndin er trúlega tekin 1944. - Minjasafnið á Akureyri / Mynd 047 - 110

11 - Hornbrekkuvegur 7 á Ólafsfirði

10 - 15.1.2021 - Ekki er vitað hvaða sveitabær þetta er, en líklegt er talið að myndin sé tekin í Eyjafirði. Hún er úr albúmi sem var í eigu Jóns Norðfjörð. Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Mynd 300 - 033

10 - 15.1.2021 - Veistu hvar þetta er?

Þetta er Melgerði, sem nú heitir Alda, við Melgerðismela í Eyjafjarðarsveit. Myndin er úr albúmi sem var í eigu Jóns Norðfjörð. - Minjasafnið á Akureyri / Mynd 300 - 033

9 - Melgerði í Eyjafirði

Þetta er bærinn Lundarbrekka í Bárðardal. - Minjasafnið á Akureyri / Mynd 300 - 296

8 - Lundarbrekka í Bárðardal

6 - Líklegt þykir að þetta sé húsið Lundargata 5 og í dyrunum sé Halldór Friðjónsson, ritstjóri Alþýðumannsins og eiginkona hans, Álfheiður Einarsdóttir frá Saurbæ. Sonur hennar var Jón Norðfjörð, leikari og bæjargjaldkeri á Akureyri og er myndin úr albúmi sem var í hans eigu. Halldór var bróðir Erlings Friðjónssonar sem lengi var í bæjarstjórn og kaupfélagsstjóri Kaupfélags Verkamanna. Þeir sem kunna að búa yfir meiri upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is - Minjasafnið á Akureyri / Mynd 300 - 113

7 - Líklega Lundargata 5

6 - Verbúð í Þorlákshöfn um 1910

Mynd 30-747 frá Minjasafninu á Akureyri. Myndin af fjölskyldunni mun tekin á bak við hús í Strandgötunni á Akureyri. Þeir sem kunna að búa yfir upplýsingum um hvaða fólk þetta er, eru hvattir til að senda þær til Minjasafnsins á Akureyri, á netfangið hg@minjasafnid.is

5 - Við Strandgötu á Akureyri

Svartárkot í Bárðardal. Myndin er úr albúmi sem var í eigu Jóns Norðfjörð. Ekki er ósennilegt að hann hafi tekið myndina sjálfur. Ekki hafa borist ábendingar um nöfn fólksins. Minjasafnið á Akureyri / Mynd 300-301

4 - Svartárkot í Bárðardal

Laxamýri í Suður-Þingeyjarsýslu. Þarna eru Jón Sveinsson, Nonni, og Jón Norðfjörð árið 1930. Nonni kom þá til landsins í boði ríkisstjórnarinnar í tilefni Alþingishátíðarinnar á Þingvöllum. Myndin er úr albúmi Jóns Norðfjörð, áreiðanlega tekin á hans vél. Minjasafnið á Akureyri/Mynd 300-166

Þeir sem kunna að búa yfir upplýsingum um hvar myndin er tekin - hver bærinn er - eru hvattir til að senda þær til Minjasafnsins á Akureyri, á netfangið hg@minjasafnid.is

3 - Nonni í Þingeyjarsýslu

SP-17 - Þessi stilla er úr þögulli kvikmynd sem fannst í húsi við Aðalstræti á Akureyri og barst Minjasafninu í október 2020. Talið er hugsanlegt að myndin sé tekin í Danmörku eða mið-Evrópu. - Þeir sem kunna að búa yfir upplýsingum um myndina vinsamlega hafi samband við Minjasafnið á Akureyri, á netfangið hg@minjasafnid.is

2 - Stillur úr kvikmyndum

1 - Myndin, af 11 fótboltamönnum, er úr safni Ara Leó Fossdal Björnssonar ljósmyndara. Upplýsingar hafa borist um þetta séu skólapiltar sem voru á Laugum í Reykjadal í kring um 1930. Fremst til vinstri er Gunnlaugur Sigurðsson frá Grund á Langanesi. Vitað er að þessum hópi var líka Jóhannes Björnsson frá Ytri Tungu á Tjörnesi og trúlega Kristján Bjarnason, Sigtúnum, Öngulsstaðahreppi.

1 - Fótboltamenn á Laugum