Viðurkenningar veittar fyrir gott skólastarf

Fræðslu- og lýðheilsuráð Akureyrarbæjar veitti á dögunum nemendum og starfsfólki leik-, grunn- og tónlistarskóla viðurkenningar fyrir framúrskarandi skólastarf. Athöfnin fór fram í Naustaskóla og er markmiðið með viðurkenningunum að vekja sérstaka athygli á því sem vel er gert og hvetja þau sem verða fyrir falinu til að halda áfram á sömu braut. 

Valið á þeim sem hlutu viðurkenningar fór fram að loknu tilnefningaferli þar sem hægt var að tilnefna nemendur, starfsfólk/kennara eða verkefni/skóla sem þóttu hafa skarað fram úr í skólastarfinu á liðnu ári. Valnefnd skipuð fulltrúum frá fræðslu- og lýðheilsuráði, fræðslu- og lýðheilsusviði, Samtökum foreldra og Miðstöð skólaþróunar við HA fóru yfir tilnefningar og völdu sautján einstaklinga/verkefni sem hlutu viðurkenningar að þessu sinni. 

Viðurkenningar hlutu:

• Aron Emil Kolbeins, nemandi í Naustaskóla, fyrir mestar framfarir
• Birta Nótt Kröyer Sveinbjörnsdóttir, nemandi í Hlíðarskóla, fyrir framúrskarandi árangur í félagsfærni og námi
• Emelía Rán Eiðsdóttir, nemandi í Glerárskóla, fyrir framúrskarandi hæfni í skapandi greinum
• Guðbjörg Sóley Friðþórsdóttir, nemandi í Glerárskóla, fyrir þroskað hugarfar, rökvísi og gagnrýna hugsun
• Kveldúlfur Snjóki Gunnarsson, nemandi í Oddeyrarskóla, fyrir metnað, ábyrgð, kurteisi og velvild
• Rebekka Rós Vilhjálmsdóttir, nemandi í Giljaskóla, fyrir jákvæðni og hrós
• Victoria Irkha, nemandi í Síðuskóla, fyrir jákvæðni og framúrskarandi námsárangur í íslensku
• Andrea Jónsdóttir, Júlía Birta Baldursdóttir, Katla Ósk Rakelardóttir, Sigurveig Petra Björnsdóttir og Sunnefa Níelsdóttir, starfsfólk á Hreiðrinu í leikskólanum Krógabóli, fyrir framúrskarandi starf
• Aníta Hrund Harðardóttir, Berglind Hannesdóttir, Stella Bryndís Karlsdóttir og Vala Björt Harðardóttir, kennarar í Naustaskóla, fyrir útiskóla í 1. bekk
• Eydís Elva Guðmundsdóttir, deildarstjóri í leikskólanum Holtakoti, fyrir framúrskarandi deildarstjórn
• Hólmfríður Hjördís Guðjónsdóttir, matráður í leikskólanum Iðavelli, fyrir framúrskarandi matarupplifun fyrir börn með sérfæði
• Inga Huld Pálsdóttir, kennari í Glerárskóla, fyrir framúrskarandi kennsluhætti
• Karen Jóhannsdóttir og Sveinn Leó Bogason, kennarar í Glerárskóla, fyrir verkefnið Harry Potter þemadagar
• Linda Rós Rögnvaldsdóttir verkefnastjóri og Margrét Th. Aðalgeirsdóttir deildarstjóri, Oddeyrarskóla, fyrir verkefnið Tengjumst í leik
• Ólöf Inga Andrésdóttir, skólastjóri Síðuskóla, fyrir að búa til gott samfélag fyrir nemendur og starfsfólk
• Sóley Björk Einarsdóttir og Emil Þorri Emilsson, kennarar í Tónlistarskóla Akureyrar, fyrir stjórn blásarasveita tónlistarskólans
• Stefán Smári Jónsson, kennari í Lundarskóla, fyrir starf með nemendum og nemendaráði

Nánar á akureyri.is.