Fara í efni
Umræðan

Einstakt tækifæri

Á Akureyri hafa aldrei í sögunni verið fleiri tækifæri að myndast á sama tíma. Nú þarf að setja samfélaginu skýra stefnu til 5, 10, 25 og 50 ára til þess að nýta þessi einstöku tækifæri sem fyrir okkur liggja. Hér þarf að vera virkur meiri- og minnihluti í bæjarstjórn þar sem pólitískri stefnu meirihlutans er veitt aðhald. Hér þarf að setja áherslu á fjölgun og stækkun fyrirtækja, fjölgun íbúa og uppbyggingu húsnæðis. Samhliða því verðum við að stefna að því að lækka álögur á íbúa og fyrirtæki til að laða fleiri að.

Skerpa þarf á samskiptum sveitarfélagsins við nærliggjandi sveitarfélög og taka alvarlega það hlutverk sem Akureyri ber sem stóri bróðir. Einnig þarf að efla samstarf Akureyrar við ríkið. Samstarfinu er fundinn góður farvegur með lista bókstöfum sem þekkjast á landsvísu og hafa sterka tengingu inn á alþingi.

Akureyri hefur stórt hlutverk og þarf ríkið að vera samstíga í markmiðum svæðisins til góðs fyrir allt svæðið og þar með landið allt.

Á Akureyri eru farin af stað, í startholunum eða í hugmyndavinnu, ótal mörg verkefni sem munu hafa mikil áhrif á nærsamfélagið. Öll munu þau styðja við hvort annað og skapa margfeldisáhrif.

Hér verða upptalin þau fjölmörgu verkefni sem um ræðir, til að glöggva sig á umfangi þeirra. Í fyrstu er það verkefnin á hendi hins opinbera, stækkun flughlaðs og flugstöðvar á Akureyrarflugvelli ásamt aukins fjármagns í markaðssetningu á millilandaflugi. Efling heilbrigðisþjónustu með uppbyggingu á nýrri legudeildarálmu við Sjúkrahúsið á Akureyri og opnun tveggja nýrra heilsugæslustöðva. Aukið verður við hjúkrunarrými fyrir aldraða. Stefnt er á áframhaldandi uppbyggingu íþrótta- og tómstundamannvirkja og meiriháttar viðhaldi skólabygginga.

Svo eru það verkefnin sem byggja á krafti heimamanna, s.s. opnun nýrra þjónustu- og smásölufyrirtækja, opnun gagnavers, kálvers. Uppbygging í ferðaþjónustu, og afþreyingu fyrir ferðamenn.

Sveitarfélagið þarf að vinna samhliða tækifærunum að sínum eigin verkefnum, styðja við tækifærin og greiða leið þeirra. Sveitarfélagið verður að greiða framtakssömum einstaklingum leið, m.a. með stórauknu lóðaframboði, hófsömum álögum, einföldum reglum og gegnsærri stjórnsýslu. Akureyrarbær á að leggja sig allan fram í að veita meiri þjónustu rafrænt en nú þegar er gert.

Það er bjart framundan á Akureyri og hér er best að búa.

Ketill Sigurður Jóelsson er frambjóðandi í 1.-2. sæti í prófkjöri Sjálfstæðisflokksins á Akureyri þann 26. mars næstkomandi.

Afgangur og þrír þræðir jarðtengingar

Gunnar Már Gunnarsson skrifar
15. apríl 2025 | kl. 16:00

Bjánarnir úti á landi

Þorvaldur Lúðvík Sigurjónsson skrifar
15. apríl 2025 | kl. 12:53

Styrk stjórn gefur góðan árangur

Ásthildur Sturludóttir skrifar
11. apríl 2025 | kl. 17:00

Hörmungarástand við Lundargötu

Jón Ingi Cæsarsson skrifar
11. apríl 2025 | kl. 10:45

Krabbameinsfélag Akureyrar og nágrennis á erindi við þig

Pétur Þór Jónasson og Inga Bára Ragnarsdóttir skrifa
08. apríl 2025 | kl. 11:45

Samfélagssáttmáli íbúa um samfélagsmiðlanotkun- og skjátíma barna

Sunna Hlín Jóhannesdóttir skrifar
07. apríl 2025 | kl. 19:00