Fara í efni
Umræðan

Gerum betur í umhverfis- og loftslagsmálum – fyrir okkur öll!

Það er sannarlega margt sem við Akureyringar getum verið stolt af þegar kemur að umhverfismálum. Við erum til að mynda í fararbroddi þegar kemur að flokkun sorps og nýtingu þeirra auðlinda sem í þeim felast. Þá var nýverið samþykkt ný umhverfis- og loftslagsstefna sveitarfélagsins sem er sannarlega fagnaðarefni. Við í Samfylkingunni ætlum að halda áfram á þessari braut og gera enn betur á næsta kjörtímabili.

Ástæða þess að við teljum þörf á að gera enn betur er sú að aðgerðir sem lúta að umhverfismálum hafa aldrei fyrr verið jafn knýjandi fyrir okkur öll og nú. Sérstaklega er mikilvægt að sveitarfélagið beiti sér með markvissum hætti í loftslagsmálum og þarf þar að horfa sérstaklega til aðgerða sem bæta loftgæði, draga úr losun gróðurhúsalofttegunda og auka kolefnisbindingu. Þá þarf einnig að ráðast í aðlögunaraðgerðir vegna breytinga á loftslagi, svo sem vegna hækkandi sjávarmáls og aukinna öfga í veðri.

Samfylkingin ætlar að ráðast í þarfar samgöngubætur, eins og uppbyggingu hjólastíga í samræmi við samþykkt stígaskipulag bæjarins og styrkingu almenningssamgangna, með það fyrir augum að draga úr bílaumferð og minnka þá mengun sem hún hefur í för með sér. Á sama tíma blasir við þörfin á heildarendurskoðun sorpmála, þéttingu byggðar og bættri stafrænni þjónustu sem bæði dregur úr kostnaði og minnkar um leið ferðaþörf. Staðreyndin er nefnilega sú að orkuskipti, breyttar ferðavenjur, minni úrgangur, græn nýsköpun og atvinnuuppbygging er ekki aðeins góð fyrir umhverfið heldur er það einnig hagkvæmt fyrir okkur öll.

Áfram Akureyri - fyrir okkur öll!

Sindri Kristjánsson skipar 2. sæti á lista Samfylkingarinnar á Akureyri fyrir kosningarnar 14. maí.

Án öflugs atvinnulífs megum við okkur lítils

Sunna Hlín Jóhannesdóttir skrifar
04. febrúar 2025 | kl. 11:50

Hvað þarf Sjálfstæðisflokkurinn?

Hjörtur J. Guðmundsson skrifar
02. febrúar 2025 | kl. 11:15

Höfuðborgin Reykjavík og aðgengi landsbyggðarbúa

Franz Árnason skrifar
25. janúar 2025 | kl. 06:00

Sjá, þannig skal vandað til þess, sem á lengi að standa

Hlín Bolladóttir skrifar
24. janúar 2025 | kl. 17:30

Tryggjum öryggi Reykjavíkurflugvallar

Gunnar Már Gunnarsson og Sunna Hlín Jóhannesdóttir skrifa
21. janúar 2025 | kl. 14:45

Ferðaþjónustufólk kemur saman

Arnheiður Jóhannsdóttir skrifar
15. janúar 2025 | kl. 11:15