Margir lögðu hönd á plóg og plokkuðu

Stóri plokkdagurinn var í gær, sunnudaginn 27. apríl. Það viðraði vel til ruslatínslu og tæplega 40 manns mættu á skipulagt plokk Ferðafélags Akureyrar í samstarfi við Rauða krossinn og SUNN. Farið var í Krossanesborgir og gríðarlegt magn af rusli var tínt.

Víða var plokkað, bæði einstaklingar og hópar. Rótarýklúbbur Akureyrar gekk t.d. fjörurnar í grennd við miðbæinn og tíndi heilan haug af allskyns rusli og drasli. 

Þorgeir Baldursson myndaði þessa fræknu plokkara á vettvangi. Hér má svo sjá fleiri myndir á Facebook síðu FFA af plokkurum í Krossanesborgum.

Myndir Þorgeirs: