Dagný Sigurgeirsdóttir – lífshlaupið

Dagný Sigurgeirsdóttir fæddist á Akureyri 23. maí 1935. Hún lést á Sjúkrahúsinu á Akureyri 13. ágúst 2022.

Foreldrar Dagnýjar voru Sigurgeir Jónsson, f. 8.9. 1910 á Akureyri, d. 25.9. 1995, og Hulda Gísladóttir, f. 15.4. 1913 í Skógargerði í Fellum, d. 24.7. 2001. Systkini Dagnýjar eru Sigurlína Ármann Sigurgeirsdóttir, f. 11.7. 1939, og Gísli Sigurgeirsson, f. 14.1. 1949.

Börn Dagnýjar eru:

1) Hulda Björg Stefánsdóttir, f. 16.11. 1956 á Akureyri, d. 25.7. 2001. Faðir Huldu Bjargar var Stefán Nikulás Ágústsson. Synir Huldu Bjargar og Harðar Geirssonar eru: a) Jónas, f. 12.4. 1985, d. 24.4. 1985. b) Arnar Össur, f. 19.6. 1987. Dætur Arnars eru Vordís Sól og Áróra Rós. c) Hreggviður, f. 27.10. 1989. d) Hörður Vilberg, f. 12.3. 1991.

2) Sigurgeir Sveinsson, f. 8.12. 1959 í Reykjavík. Sonur Sigurgeirs er Rói, f. 7.9. 1989. Börn Róa eru Elvira Una og Viggo Sigurgeir. Sambýliskona Sigurgeirs er Þóra Rósa Gunnarsdóttir, f. 5.10. 1965.

3) Helga Jóna Sveinsdóttir, f. 27.3. 1961, í Reykjavík. Börn Helgu eru: a) Sveinn Þorri Davíðsson, f. 30.10. 1985. b) Hilma Ýr Davíðsdóttir, f. 2.10. 1991. Börn Hilmu Ýrar eru Erla Fanney og Hilmir Orri c) Sólon Örn Sævarsson, f. 28.9. 1998.

4) Hilma Sveinsdóttir, f. 25.5. 1966 í Reykjavík. Eiginmaður Hilmu er Jón Georg Aðalsteinsson, f. 8.5. 1965. Synir Hilmu og Jóns eru: a) Jökull, f. 11.12. 1993. b) Aðalsteinn, f. 22.2. 1996. c) Sölvi, f. 9.9. 2004.

5) Sveinbjörn Dagnýjarson, f. 15.1. 1970. Faðir Sveinbjarnar var Guðbjörn Guðjónsson. Eiginkona Sveinbjarnar er Þorgerður Sigurðardóttir, f. 19.12. 1971. Börn Sveinbjarnar og Þorgerðar eru: a) Einar Tómas, f. 14.9. 1999. b) Helga Ísold, f. 17.9. 2002. c) Hilma Soffía, f. 18.7. 2010.

6) Katrín Jóhannesdóttir, f. 4.1. 1972. Eiginmaður Katrínar er Aðalsteinn Guðmundsson, f. 8.9. 1978. Börn Katrínar eru: a) Viktor Dagur Andersson, f. 29.9. 1992. Börn Viktors eru Emilía Ýr og Jóhannes Björn. b) Axel Orri Sigurðsson, f. 8.1. 1997. c) Dagný Rós Sigurðardóttir, f. 27.5. 1999. Sonur Dagnýjar er óskírður Natansson, d) Guðmundur Alfreð Aðalsteinsson, f. 20.4. 2006. Sonur Aðalsteins er Viktor Freyr, f. 8.12. 1999.

Dagný ólst upp á Akureyri. Hún dvaldi mörg sumur á barnsaldri hjá móðurforeldrum sínum í Skógargerði í Fellum. Hún fór í nám í hjúkrunarfræði í Reykjavík árið 1955 og lauk námi 1958. Dagný giftist 1959 Sveini Ólafssyni á Stað í Aðalvík. Sveinn lést í Reykjavík 7.1. 1967. Dagný flutti til Akureyrar eftir að Sveinn lést og bjó þar æ síðan. Dagný giftist Jóhannesi Björnssyni 1972, f. 13.11. 1932. Jóhannes lést 3.12. 2009. Börn Jóhannesar eru Hulda Aðalbjörg, f. 16.10. 1953 og Björn, f. 16.5. 1955.

Dagný starfaði við hjúkrun allan sinn starfsferil, sem hófst á gamla spítalanum á Akureyri. Hún vann á Kleppsspítala í Reykjavík, á barnadeild Sjúkrahússins á Akureyri og við ungbarnavernd. Einnig var hún um tíma skólahjúkrunarfræðingur. Hún hafði mikla ástríðu fyrir starfinu og hélt alltaf sambandi við skólasystur sínar úr Hjúkrunarskólanum. Dagný var dugleg að endurmennta sig og fékk sérfræðiréttindi sem barnahjúkrunarfræðingur í framhaldinu. Hún var einn af stofnendum Laufs, samtaka flogaveikra á Akureyri. Dagný var félagslynd, söng með HAK-kórnum og kór aldraðra og hafði mikla unun af því og var virk í félagsstarfi aldraðra.

Útför hennar fer fram frá Akureyrarkirkju í dag, 24. ágúst 2022, klukkan 13.