Pistlar

Tvöföld hokkíveisla í Höllinni í dag

Haraldur Ingólfsson skrifar 04. janúar 2025 | kl. 12:00

Íshokkídeild Skautafélags Akureyrar tilkynnti skömmu fyrir jól um val á íshokkífólki ársins úr sínum röðum. Það voru þau Shawlee Gaudreault og Jóhann Már Leifsson. Þau verða væntanlega bæði í eldlínunni með liðum SA í dag. Mynd: SA íshokkí.

Það verður hokkíveisla í Skautahöllinni á Akureyri í dag enda fleiri en fimm sem koma saman. Í boði er tvíhöfði, viðureignir beggja liða Skautafélags Akureyrar og Fjölnis. Konurnar hefja leik kl. 16:45 og karlarnir kl. 19:30.

Fyrir leikinn í dag er SA á toppi deildarinnar með 17 stig úr átta leikjum, en Fjölnir hefur stigi minna og á leik til góða. Þessi lið háðu úrslitarimmu um Íslandsmeistaratitilinn í fyrravor og höfðu Fjölniskonur þá betur. Næsta víst er að SA og Fjölnir muni mætast aftur í úrslitarimmunni í lok þessa tímabils þar sem lið SR situr í 3. sætinu 13 stigum á eftir Fjölni.
Liðin hafa mæst þrisvar á yfirstandandi tímabili. SA hefur unnið einu sinni, en Fjölnir tvisvar.

Toppdeild kvenna í íshokkí
Skautahöllin á Akureyri kl. 16:45
SA - Fjölnir

Fyrir leikinn í dag hefur SA 21 stig og situr í 2. sæti Toppdeildarinnar. Fjölnir er með 16 stig og hefur leikið einum leik meira en SA.
Liðin hafa mæst þrisvar á yfirstandandi tímabili. SA hefur unnið tvo leiki, en Fjölnir einn.