KA semur við Guðjón Erni til tveggja ára

Knattspyrnumaðurinn Guðjón Ernir Hrafnkelsson gekk í raðir KA í dag og skrifaði undir samning út sumarið 2027. 

„Guðjón Ernir er 23 ára gamall hægri bakvörður eða vængbakvörður sem hefur undanfarin fimm tímabil verið í lykilhlutverki í liði ÍBV,“ segir á vef KA, þar sem greint er frá samningnum. „Með ÍBV lék hann í Bestu deildinni sumrin 2022 og 2023 en á nýliðnu sumri vann ÍBV sigur í Lengjudeildinni og leikur því aftur meðal þeirra bestu á komandi sumri.“

Guðjón hóf knattspyrnuferilinn með Hetti á Egilsstöðum. Hann lék fyrst í meistaraflokki sumarið 2017 með liði Hattar og síðar með sameiginlegu liði Hattar og Hugins. „Þrátt fyrir ungan aldur hefur hann nú þegar leikið 192 KSÍ leiki með meistaraflokk (þar af 163 í deild og bikar) og gert í þeim 7 mörk þó hann leiki sem bakvörður,“ segir í tilkynningu KA.

Nánar hér á heimasíðu KA