Þór tapaði fyrir Þrótti – Auðunn Ingi slasaðist
![](/static/news/lg/audunn-ingi-0g7a3053.jpg)
Þórsarar töpuðu 1:0 fyrir Þrótti á heimavelli í dag í Lengjudeildinni, næstu efstu deild Íslandsmótsins í knattspyrnu. Auðunn Ingi Valtýsson markvörður Þórs slasaðist seint í leiknum og var fluttur á brott með sjúkrabíl.
Eftir góða frammistöðu Þórsara undanfarið má segja að gestirnir hafi skotið þá niður á jörðina á ný. Heimamenn náðu sér engan vegin á strik og sigur Þróttar var sanngjarn.
Það var Vilhjálmur Kaldal Sigurðsson sem gerði eina markið í dag á 70. mínútu.
Lítið var eftir af leiknum þegar Auðunn Ingi slasaðist. Þróttarar spyrntu langt frá marki sínu þegar Þórsarar sóttu, Auðunn Ingi fór fram á miðjan eigin vallarhelming og skallaði boltann en einn Þróttarinn sótti að honum og þeir lentu harkalega saman. Þórsarinn fékk höfuðhögg og vankaðist, mönnum leist alls ekki á blikuna og þegar í stað var hringt á sjúkrabíl. Ekki var hreyft við Auðuni fyrr en sjúkraflutningamenn komu á staðinn en svo fór að hann stóð upp og gekk inn í bílinn.
Akureyri.net fékk þær upplýsingar í kvöld að fjögur spor hefðu verið saumuð í andlit Auðuns Inga, hann væri verkjaður en vel áttaður.
Meira síðar
Smellið hér til að sjá leikskýrsluna
Þórsararnir Rafael Victor og Birkir Heimisson sækja að Þróttaranum Sigurði Steinari Björnssyni í dag. Mynd: Skapti Hallgrímsson
![](/static/news/xs/1725635054_arnor-bliki-haus.jpg)
![](/static/news/xs/1725662524_1-olafur-thor-pistlar.jpg)
Sjálfbærni
![](/static/news/xs/1725532812_stefoslo24.jpg)
Hvað er svona merkilegt við það?
![](/static/news/xs/1-olafur-thor-pistlar.jpg)
Samfélagsábyrgð fyrirtækja
![](/static/news/xs/1725522590_orri-pall.jpg)
Eftir þann fund var ég orðinn KA-maður
![](/static/news/xs/1725439827_1-sigurdur-nota.jpg)