Römer og Kári koma inn í byrjunarlið KA

Daninn Marcel Römer er í byrjunarliði KA í fyrsta skipti í dag þegar KA-menn sækja Valsmenn í dag í Bestu deildinni, efstu deild Íslandsmótsins í knattspyrnu. Römer sem var á mála hjá Lyngby í heimalandinu en samdi við KA í síðustu viku og kom fyrst við sögu í bikarleiknum gegn KFA á föstudaginn; kom inná í seinni hálfleik og skoraði í 4:0 sigri.

Tvær breytingar eru á byrjunarliði KA frá síðasta deildarleik, 4:0 tapinu fyrir Víkingi. Bakvörðurinn Kári Gautason er einnig í byrjunarliðinu í fyrsta sinn í deildinni í sumar en Hrannar Björn Steingrímsson er á meðal varamanna. 

Leikurinn í dag er í 3. umferð deildarinnar. KA gerði 2:2 jafntefli við KR á heimavelli í fyrstu umferðinni en tapaði síðan fyrir Víkingi á útivelli.

Valur gerði jafntefli við Vestra á heimavelli í fyrstu umferðinni og 3:3 jafntefli við KR í 2. umferð.

Leikur liðanna hefst klukkan 18.00 á Valsvellinum (N1 vellinum) að Hlíðarenda og verður sýndur á Stöð 2 Sport.

Leikskýrslan