Öruggur sigur KA á liði Völsungs

Karlalið KA í blaki vann öruggan 3-0 sigur á liði Völsungs frá Húsavík í efstu deild karla í blaki, Unbroken-deildinni, en leikur liðanna fór fram í KA-heimilinu í gærkvöld.

• Unbroken-deild karla
  KA - Völsungur 3-0 (25-19, 25-20, 25-23)

KA hafði yfirhöndina í fyrstu tveimur hrinunum og Völsungur aðeins einu sinni með forystuna, en þriðja hrinan var jafnari og liðin skiptust á að leiða lengi vel, en KA-menn voru sterkari í lokin og kláruðu þriðju hrinuna með 25-23 sigri og þar með leikinn 3-0.

Næsti leikur KA-liðsins er heimaleikur gegn Þrótti Fjarðabyggð föstudaginn 15. nóvember. 

• Leikurinn í tölum
• Staðan í deildinni