Íslandsmeistari öldunga í pílukasti

Hrefna Sævarsdóttir úr Þór tryggði sér í gær Íslandsmeistaratitil öldunga í pílukasti. Öldungar teljast þeir sem eru fimmtugir og eldri.

Fjórir keppendur voru í kvennaflokki á mótinu sem fram fór hjá Pílukastfélagi Reykjavíkur við Tangarhöfða. Fyrir úrslitaleikinn var ljóst að Íslandsbikarinn væri á leið norður því Hrefna mætti öðrum Þórsara, Guðrúnu Þórðardóttur, í lokarimmunni.