Mikil ánægja með nýju heilsugæsluna
![](/static/news/lg/hsn-sunnuhlid-0g7a5227.jpg)
Nýja heilsugæslustöðin í verslunarkjarnanum Sunnuhlíð á Akureyri var formlega tekin í notkun í dag að Willum Þór Þórssyni heilbrigðisráðherra viðstöddum, bæjarfulltrúum á Akureyri og fleiri gestum.
Læknar tóku á móti fyrstu sjúklingunum á nýja staðnum 19. febrúar síðastliðinn og er mikil ánægja með allar aðstæður. Jón Helgi Björnsson, forstjóri Heilbrigðisstofnunar Norðurlands (HSN) sagði reyndar í léttum dúr í dag að hann hefði ekki sofið vel í nokkrar nætur þegar ákveðið var á sínum tíma að flytja heilsugæslustöðina úr gamalli verslunarmiðstöð (Amaro-húsinu í miðbænum) í aðra gamla verslunarmiðstöð (Sunnuhlíð í Glerárhverfi) – en sannarlega hefði frábærlega tekist til.
Hissa á þolinmæðinni
Willum Þór lýsti einnig mikilli ánægju með hvernig til hefði tekist og hrósaði í leiðinni starfsfólki stöðvarinnar fyrir ótrúlega þolinmæði.
„Ég skal viðurkenna að þegar ég kom inn á heilsugæslustöðina þar sem þið voruð þá var ég alveg hissa á þolinmæðinni sem þið höfðuð sýnt, og ég er afar þakklátur fyrir það að við höfum haft hugrekki til að fara í þessa vegferð og gera það hratt af því að það var ekki hægt að bjóða upp á að dvelja þar mikið lengur,“ sagði ráðherrann í dag.
Heilsugæslustöðvarnar á Akureyri verða tvær því önnur mun rísa sunnan Glerár. Ráðherra sagði reyndar að stöðin í Sunnuhlíð væri svo flott að hann hefði hugsað sér að spyrja í dag, hvort ekki væri bara komið gott! Rétt er að taka fram að þau ummæli voru á léttum nótum, og Willum sagði að í dag væri fyrst og síðast tími til að „fagna þessum áfanga, sem er svo kær, sem er svo nauðsynlegur fyrir fólkið á svæðinu og ykkur sem hér starfið.“
Hildigunnur Svavarsdóttir, forstjóri Sjúkrahússins á Akureyri, og Halla Björk Reynisdóttir, forseti bæjarstjórnar Akureyrar.
Frá vinstri: Þórhallur Harðarson, framkvæmdastjóri fjármála hjá HSN, Halldór Benjamín Þorbergsson forstjóri Regins, eiganda húsnæðisins við Sunnuhlíð, Páll V. Bjarnason, framkvæmdastjóri hjá Regin og Óskar Jósefsson forstjóri Framkvæmdasýslunnar.
Frá vinstri: Jón Torfi Halldórsson yfirlæknir HSN á Akureyri, Willum Þór Þórsson heilbrigðisráðherra, Jón Helgi Björnsson forstjóri HSN, Ingibjörg Lára Símonardóttir, yfirhjúkrunarfræðingur og Þorgerður P. Kristinsdóttir deildarstjóri.
Ljósmynd: Þorgeir Baldursson
Kristján Kristjánsson yfirlögregluþjónn á Akureyri og Páley Borgþórsdóttir lögreglustjóri á Norðurlandi eystra. Ljósmynd: Þorgeir Baldursson
Ljósmynd: Þorgeir Baldursson
Ljósmynd: Þorgeir Baldursson
![](/static/news/xs/elin-kjartansdottir.jpg)
![](/static/news/xs/bragi-v-bergmann-2021.jpg)
Gulir og glaðir að störfum
![](/static/news/xs/1724958989_hjortur-j-gudmundsson.jpg)
Telja Brussel vera langt í burtu
![](/static/news/xs/1724963156_jon-ingi-2023.jpg)
Íbúðabyggð við bílastæði?
![](/static/news/xs/1724958855_hjortur-j-gudmundsson.jpg)
Tala eingöngu um vextina
![](/static/news/xs/1724874211_sindri-kristjansson.jpg)