Fara í efni
Umræðan

Hvað vinnst eða tapast á lausagöngu katta?

Undanfarin ár hefur harkan í umræðunni um lausagöngu katta aukist á Akureyri.

Mér finnst það miður vegna þess að lausagangan er eitt af því sem erfitt er að fara hálfa leið með, annað hvort gengur dýrið laust eða ekki, kettir gera lítið með lóðamörk eða aðrar mannlegar setningar um umhverfið.

Mér hefur virst að þeirri samþykkt sem hefur verið í gildi undanfarin ár um ketti á Akureyri hafi ekki verið fylgt að fullu og ófriðurinn hefur aukist á undanförnum árum.

Nýverið ákvað bæjarstjórnin með minnsta meirihluta að láta regluna sem hefur gilt í Hrísey um áraraðir taka gildi líka inná Akureyri. Það varð til þess að umræðan fór aftur af stað af nýjum krafti og sitt sýnist hverjum eins og fyrr. Nýleg könnun Gallup þar sem af u.þ.b. 450 manns svöruðu voru 45% á móti samþykkt bæjarstjórnar og 39% með afgreiðslu bæjarstjórnar. 16% hvorki né.

Hvorugur hópurinn af þeim sem tóku afstöðu er í hreinum meirihluta.

Þessu til viðbótar spurði Gallup þau sem voru andvíg samþykkt bæjarstjórnar hvort þau hygðust grípa til aðgerða vegna þessa og c.a. þriðjungur þeirra játti því en ekki kom neitt fram hverskonar aðgerðir væri um að ræða.

En hvað með raunverulega útkomu? Hvað er gott og hvað er slæmt við þetta, lausagönguleyfi eða lausagöngubann?

Rökin með og á móti beggja megin eru af ýmsu tagi og mér hefur virst að tilfinningarökin og afmörkuð dýravelferð katta séu fyrirferðarmest hjá lausagöngusinnum en aðrir þættir eru einnig til í þessu. Þar má t.d. nefna áhrif katta á náttúrulegt umhverfi, jafnræðisreglu stjórnsýslu, smitvarnir og nágrannafrið.

Þau sem hafa andmælt lausagöngunni hafa meira fjallað um þetta út frá þessum þáttum og nú finnst mér eðlilegt að þau sem vilja telja bæjarstjórn hughvarf leggi fram skýr rök tengd þessum atriðum öllum svo betur megi skýra hvað sé ráðlegt í framhaldinu.

Samráðsgáttin er síðan vettvangur sem mér finnst eðlilegt að nýta að lokum því það þarf fyrir rest að fá fram og vega og meta jákvæða og neikvæðu þættina frá báðum hliðum ef eitthvert vit á að verða í lokaákvörðuninni.

Ólafur Kjartansson er formaður svæðisfélags VG Akureyri og nágrennis.

Afgangur og þrír þræðir jarðtengingar

Gunnar Már Gunnarsson skrifar
15. apríl 2025 | kl. 16:00

Bjánarnir úti á landi

Þorvaldur Lúðvík Sigurjónsson skrifar
15. apríl 2025 | kl. 12:53

Styrk stjórn gefur góðan árangur

Ásthildur Sturludóttir skrifar
11. apríl 2025 | kl. 17:00

Hörmungarástand við Lundargötu

Jón Ingi Cæsarsson skrifar
11. apríl 2025 | kl. 10:45

Krabbameinsfélag Akureyrar og nágrennis á erindi við þig

Pétur Þór Jónasson og Inga Bára Ragnarsdóttir skrifa
08. apríl 2025 | kl. 11:45

Samfélagssáttmáli íbúa um samfélagsmiðlanotkun- og skjátíma barna

Sunna Hlín Jóhannesdóttir skrifar
07. apríl 2025 | kl. 19:00