Blaksigur í gær – konurnar spila í kvöld

Karlalið KA í blaki vann öruggan sigur á Þrótti Fjarðabyggð, 3-0, þegar liðin mættust í KA-heimilinu í gær. Kvennalið KA tekur á móti liði Aftureldingar í kvöld kl. 20, í leik sem frestað var í gær vegna veðurs.

• Unbroken-deild karla í blaki
  KA-heimilið 15. nóvember
  KA - Þróttur Fjarðabyggð 3-0 (25-12, 25-21, 25-22)

KA er með 21 stig eftir níu leiki, hefur unnið sjö og tapað tveimur.

Hörkuleikur í kvöld

Það verður síðan væntanlega hörkuleikur í KA-heimilinu í kvöld þegar KA tekur á móti Aftureldingu í Unbroken-deild kvenna, en þessi lið léku til úrslita um Íslandsmeistaratitilinn í vor.

KA hefur byrjað mótið vel, er á toppnum með 18 stig, fullt hús eftir sex leiki og sex sigra. Afturelding er í 2. sætinu með 12 stig úr sjö leikjum.

• Unbroken-deild kvenna í blaki
  KA-heimilið kl. 20
  KA - Afturelding