Þórsarar taka á móti Selfyssingum í kvöld

Karlalið Þórs í körfuknattleik mætir liði Selfyssinga í 12. umferð 1. deildar karla í Íþróttahöllinni í kvöld kl. 19:15.

Leikurinn er sá fyrsti hjá Þórsliðinu eftir jólafrí, en liðið er í 9. sæti deildarinnar, hefur unnið fjóra leiki af 11. Selfyssingar eru á botni deildarinnar með tvo sigra, einnig úr 11 leikjum. Það má því segja að leikurinn sé báðum liðum mikilvægur, sigur myndi gefa hvoru liðinu sem er byr í seglin, sem má svo ef til vill segja um alla leiki.

• 1. deild karla í körfuknattleik
  Íþróttahöllin á Akureyri kl. 19:15
  Þór - Selfoss