Pistlar

Þór tekur á móti ÍR í bikarkeppni karla

Haraldur Ingólfsson skrifar 19. apríl 2025 | kl. 11:00

Þórsarar áttu ekki í vandræðum með Magnamenn í 2. umferð bikarkeppninnar. Þórsarinn Einar Freyr Halldórsson með boltann, Alexander Ívan Bjarnason til vinstri. Mynd: Ármann Hinrik.

Í dag lýkur 32ja liða úrslitum í bikarkeppni karla í knattspyrnu – Mjólkurbikarnum. Þór tekur á móti ÍR í Boganum.

Þórsarar hófu leik í 2. umferð Mjólkurbikarkeppninnar þegar þeir tóku á móti Magna í Boganum og unnu öruggan 7-0 sigur. Nú er komið að öðrum heimaleik og að þessu sinni er það Lengjudeildarlið ÍR sem sækir Þórsara heim. Þór hefur einu sinni farið alla leið í úrslitaleikinn í bikarkeppni karla. Það var árið 2011 þegar liðið mætti KR í úrslitaleiknum og tapaði 0-2.