Pistlar

KA fær Val í heimsókn í Olísdeildinni í kvöld

Skapti Hallgrímsson skrifar 04. febrúar 2025 | kl. 14:30

KA-strákarnir unnu Valsmenn örugglega á heimavelli á síðasta keppnistímabili. Þeir fagna hér sigrinum; liðin mættust í apríl og KA-menn tryggði sér sæti í úrslitakeppninni með því að leggja Hlíðarendadrengina. Mynd: Skapti Hallgrímsson

Keppni í efstu deild Íslandsmóts karla í handbolta, Olísdeildinni, hefst í kvöld á ný eftir jóla- og heimsmeistaramótsfrí. Heil umferð er á dagskrá og þar af einn leikur á Akureyri: KA-menn taka móti liði Vals og hefst leikurinn í KA-heimilinu klukkan 19.00.

KA-heimilið verður opnað áhorfendum klukkan 17.30 og hálftíma síðar hefst bingó. Hamborgarar verða til sölu fyrir leik eins og alsiða er orðið og baráttan innan vallar hefst svo kl. 19.00 sem fyrr segir.

Valur er í 4. sæti deildarinnar með 18 stig en KA í 8. sæti með 10 stig og í harðri baráttu um að komast í úrslitakeppnina. Að baki eru 14 umferðir þannig að hvert lið á átta leiki eftir.

Til baka í yfirlit pistla