Þriggja stiga forysta KA á toppnum

Karlalið KA í blaki náði þriggja stiga forystu á toppi Íslandsmótsins, Unbroken-deildinni, með örggum 3-0 sigri á Þrótti Fjarðabyggð þegar liðin mættust í Neskaupstað í kvöld. Næstu lið eiga þó leik til góða.

KA hafði leikinn undir nokkuð öruggri stjórn, náði forystu strax í upphafi í öllum þremur hrinunum og hleyptu heimamönnum í Þrótti Fjarðabyggð aldrei of nálægt sér. 

• Þróttur - Fjarðabyggð - KA 0-3 (14-25, 15-25, 19-25)
  Leikskýrslan og tölfræði
  Staðan í deildinni

Með sigrinum fór KA í 42 stig og náði þriggja stiga forystu á toppi Unbroken-deildarinnar, en Hamar er með 39 stig og Þróttur R. með 37 stig. Þessi tvö lið eiga bæði leik inni á KA-liðið. Þróttur tekur á móti Völsungi á morgun og Afturelding sækir HK heim í næstu viku.