Íþróttir
Nýr markvörður KA sleit hásin á æfingu
18.02.2025 kl. 05:00
KA tilkynnti komu Rasheed fyrir tæpri viku.
Markvörðurinn Jonathan Rasheed, sem samdi fyrir skömmu til tveggja ára við knattspyrnudeild KA, sleit hásin á æfingu eftir aðeins nokkurra daga dvöl á Akureyri.
Rasheed verður því ekki leikfær í sumar miðað við það hve lengi menn eru almennt lengi að ná sér af slíkum meiðslum.
Fótboltavefur Íslands, fotbolti.net, fullyrti þetta í gærkvöldi eftir að mbl.is hafði birt frétt þar sem sagt var að Rasheed hefði að öllum líkindum meiðst á þennan hátt.
Þetta eru gífurleg vonbrigði fyrir KA og leikmanninn. Rasheed, sem er 33 ára og lék í fyrra í sænsku úrvalsdeildinni, kom til KA í stað Kristijans Jajalo og var ætlað að berjast um markmannsstöðuna við Steinþór Má Auðunsson.
