Íþróttir
KA-menn frábærir og urðu bikarmeistarar
08.03.2025 kl. 15:00
Bikarmeistarar KA með bikarinn í dag. Skjáskot af RÚV.
KA-menn urðu bikarmeistarar í blaki karla í níunda sinn í dag. Þeir léku frábærlega í úrslitaleiknum gegn Reykjavíkur-Þrótti í íþróttahúsinu Digranesi og sigruðu 3:0 – 25:21, 25:16, 25:23.
Sigurinn var mjög verðskuldaður. KA-strákarnir voru einfaldlega betri á öllum sviðum leiksins.
Miguel Mateo Castrillo í viðtali við RÚV strax eftir. Hann þakkaði sigurinn fyrst og fremst mjög góðri liðsheild. Skjáskot af RÚV.
Miguel Mateo Castrillo gerði 16 stig fyrir KA í dag, Alexander Arnar Þórisson 10, Oscar Fernández Celis 9, Gísli Marteinn Baldvinsson og Marcel Pospiech 8 hvor.
Bikarmeistarar KA ásamt hluta stuðningsmanna liðsins sem fylgdust með leiknum í Digranesi. Mynd af Facebook síðu KA.
