Bogfimin vex á ný - opið hús um helgina

Bogfimifólki hefur heldur betur vaxið ásmegin í nýrri aðstöðu eftir nokkur erfið ár á fyrri stað þar sem þrengsli höfðu takmarkað nýliðun og möguleika til æfinga. 

Bogfimifólk í Íþróttafélaginu Akri flutti sig í nýja og stærri aðstöðu í Kaldbaksgötu 4 í október í fyrra og hefur því tækifæri til að fjölga iðkendum frá því sem áður var þegar bogfimifólk æfði í þröngri aðstöðu í Íþróttahöllinni. Aðstaðan í Kaldbaksgötunni býður einnig upp á að taka á móti hópum sem vilja prófa íþróttina.

Opið hús verður hjá félaginu í Kaldbaksgötu 4 um komandi helgi, bæði laugardag og sunnudag, kl. 13-17.