Þór í einvígi við Fjölni um sæti í efstu deild!

Þórsarar sigruðu lið Harðar 24:22 í hörkuleik á Ísafirði í þriðju og síðustu viðureign liðanna í úrslitakeppni Grill 66 deildarinnar, næst efstu deildar Íslandsmótsins í handbolta. Þórsarar mæta því Fjölni í einvígi um laust sæti í efstu deild, Olís deildinni, næsta vetur.

Brynjar Hólm Grétarsson fór á kostum í Þórsliðinu í kvöld, gerði 13 mörk og var öflugur í vörn sem fyrr. Kristján Páll Steinsson markvörður var líka í ham, eins og í sigurleiknum á Akureyri á föstudagskvöldið. Hann varði 15 skot í kvöld.

Þórsarar töpuðu fyrsta leik rimmunnar á Ísafirði en unnu síðan tvo.

Þór og Fjölnir gætu þurft að mætast fimm sinnum því sigra þarf í þremur leikjum í því einvígi til að tryggja sér sæti í Olís deildinni næsta vetur.

Smellið hér til að sjá tölfræðina

Meira síðar