Handbolti: KA/Þór vann KG sendibílamótið

KA/Þór vann KG sendibílamótið, æfingamót sem fram fór í KA-heimilinu um liðna helgi. Keppinautar þeirra, FH og HK, verða einnig keppinautar liðsins í næstefstu deild Íslandsmótsins, Grill 66 deildinni, í vetur. Liðin enduðu í 5. og 6. sæti Grill 66 deildarinnar, en KA/Þór féll úr Olísdeildinni.

HK vann FH í fyrsta leiknum á föstudagskvöldið, 35-29. KA/Þór vann báða leiki sína á mótinu, en liðið sigraði FH á laugardag, 33-30 og HK á sunnudag, 31-30. Anna Þyrí Halldórsdóttir úr KA/Þór var valin besti sóknarleikmaður mótsins og Matea Lonac úr KA/Þór besti markvörðurinn, að því er fram kemur á handboltavef Íslands, handbolti.is.