Íshokkílandsliðið á möguleika á silfrinu

Kvennalandslið Íslands í íshokkí spilar þessa dagana í 2. deild A á Heimsmeistaramótinu sem fram fer í Póllandi. Eftir tvo sigra í fyrstu tveimur leikjunum kom fyrsti tapleikur liðsins gegn gestgjöfum Pólverja á fimmtudag, en svo þriðji sigurinn þegar íslenska liðið mætti liði Mexíkó í gær.

Í fyrsta leik liðsins á mótinu, gegn Spánverjum, var jafnt eftir venjulegan leiktíma, 2-2. Sunna Björgvinsdóttir og Berglind Leifsdóttir skoruðu mörk Íslands. Þær Teresa Snorradóttir, Friðrika Magnúsdóttir, Saga Blöndal og Ragnhildur Kjartansdóttir áttu stoðsendingarnar í leiknum. Ekkert var skorað í framlengingu, en íslenska liðið tryggði sér aukastigið með sigri í vítakeppni. Þar var Saga Blöndal sú eina sem skoraði. 

Á þriðjudag vann íslenska liðið landslið Norður-Kóreu, 3-1. Hilma Bóel Bergsdóttir, Berglind Leifsdóttir og Sunna Björgvinsdóttir skoruðu mörk Íslands. Sunna var valin maður leiksins eftir þann leik. Silvía Rán Björgvinsdóttir átti tvær stoðsendingar í leiknum og Kolbrún María Garðarsdóttir eina. 

Eftir tvo sigurleiki mætti íslenska liðið gestgjöfum Pólverja og mátti játa sig sigrað í miklum baráttuleik. Pólverjar skoruðu tvö mörk, en íslenska liðinu tókst ekki að skora.

Fjórði leikur liðsins var gegn Mexíkó í morgun og þar kom þriðji sigur liðsins í fjórum leikjum. Ísenska liðið komst í 5-0 eftir fyrstu tvo leikhlutana, en Mexíkó minnkaði muninn í þrjú mörk í þeim þriðja. Mörk Íslands gerðu þær Saga Blöndal, Friðrika Magnúsdóttir, Sunna Björgvinsdóttir, Laura-Ann Murphy og Ragnhildur Kjartansdóttir. Stoðsendingar áttu Sunna Björgvinsdóttir (2), Saga Blöndal, Kolbrún María Garðarsdóttir, Berglind Leifsdóttir, Silvía Rán Björgvinsdóttir og Kolbrún Björnsdóttir.

• Ísland - Spánn 3-2 (1-0, 0-1, 1-1, 0-0, 1-1) 
  Leikskýrslan
  
• Ísland - Norður-Kórea 3-2 (1-1, 0-1, 2-0) 
  Leikskýrslan 
• Ísland - Pólland 0-2 (0-0, 0-0, 0-2) 
  Leikskýrslan
• Ísland - Mexíkó 5-2 (1-0, 4-0, 0-2)
  Leikskýrslan

Síðasti leikur íslenska liðsins á mótinu verður gegn Tævan í dag og hefst kl. 14:30 að íslenskum tíma. Öll úrslit, tölfræði, liðsskipan og stöðu í deildinni má finna á mótsvefnum á iihf.com. Mótshaldarar hafa birt skemmtilegt myndband af stemningunni í Bytom í Póllandi þar sem mótið er haldið.

Fyrir lokaleikinn í dag er íslenska liðið í þriðja sæti með átta stig. Pólland er í efsta sætinu með 12 stig og Spánverjar næstir með tíu. Pólverjar og Spánverjar mætast í lokaumferðinni í dag og á íslenska liðið því góða möguleika á silfrinu, sem yrði raunin ef Ísland vinnur Tævan og Pólland vinnur Spán. Pólverjar hafa unnið alla leiki sína til þessa og eru með markatöluna 28-4. Lokaniðurstaðan kemur ekki í ljós fyrr en í kvöld því leikur Póllands og Spánar er á eftir leik Íslands og Tævan.

Auk þeirra sex leikmanna og fjögurra í þjálfarateymi/starfsliði landsliðsins eru tíu í hópnum sem koma upphaflega úr röðum SA, en leika nú með félögum í Reykjavík eða erlendis, eða samtals 16 af 22 leikmönnum í landsliðinu sem hófu íshokkíferilinn á Akureyri.