Þór mætir Grindavík aftur í undanúrslitum

Kvennalið Þórs í körfuknattleik mætir liði Grindavíkur í undanúrslitum bikarkeppni KKÍ, VÍS-bikarsins, þriðjudaginn 18. mars kl. 20. Dregið var í Smáranum núna í hádeginu. Hin undanúrslitaviðureignin er á milli Njarðvíkur og Hamars/Þórs. Sigurliðin mætast í úrslitaleik laugardaginn 22. mars, einnig í Smáranum í Kópavogi.

Þórsliðið fór sem kunnugt er í úrslitaleikinn í fyrra eftir frækinn sigur á Grindvíkingum í undanúrslitum í Laugardalshöllinni, en mátti síðan sætta sig við silfurverðlaun eftir tap fyrir Keflvíkingum í úrslitaleiknum. 

Leikir í undanúrslitum VÍS-bikarsins:

Konur

• Þriðjudagur 18. mars kl. 17:15
  Njarðvík - Hamar/Þór
• Þriðjudagur 18. mars kl. 20:00
  Grindavík - Þór

Karlar

• Miðvikudagur 19. mars kl. 17:15
  KR - Stjarnan
• Miðvikudagur 19. mars kl. 20:00
  Keflavík - Valur