Meistarar meistaranna voru hylltir í Hamri

Kvennalið Þórs í körfubolta sem sigraði í Meistarakeppni KKÍ á dögunum var hyllt í Hamri í kvöld þar sem aðalstjórn félagsins hélt samkvæmi þeim til heiðurs. 

Þórsarar sigruðu þrefalda meistara síðasta tímabils, deildar-, Íslands- og bikarmeistara Keflvíkinga, í umræddum leik á laugardaginn, og teljast því meistarar meistaranna. Þetta er fyrsti titill Þórs í körfubolta í 48 ár, síðan kvennalið félagsins varð Íslandsmeistari 1976 og því sannarlega ástæða til þess að gleðjast.