KA og Þór leika til úrslita í Kjarnafæðismótinu

KA og Þór eigast við í dag í úrslitaleik Kjarnafæðismóts karla í knattspyrnu. Leikurinn fer fram á gervigrasvelli KA og hefst kl. 17.30.

Um er að ræða árlegt æfingamót sem Knattspyrnudómarafélag Norðurlands stendur fyrir en þrátt fyrir það er óhætt að segja með nokkrum sanni að um „alvöru“ leik sé að ræða eins og alla jafna þegar Akureyrarfélögin mætast.

KA-menn hafa sigrað í Kjarnafæðismótinu síðustu sex ár og spennandi verður að sjá hvernig leikur dagsins verður.

Besta deildin, efst deild Íslandsmótsins hefst eftir aðeins 12 daga þegar KA tekur á móti FH. Næsta efst deild Íslandsmótsins, Lengjudeildin, hefst hins vegar ekki fyrr en eftir rúman mánuð, föstudaginn 3. maí. Þórsarar sækja þá Þróttara heim í Reykjavík.

Akureyri.net fylgist að sjálfsögðu með leik dagsins og fjallar um hann í kvöld.