Valur Snær á einu höggi yfir pari og tók forystu
Valur Snær Guðmundsson tók forystu í meistaraflokki karla á Akureyrarmótinu í golfi í dag, á öðrum keppnisdegi. Hann lék 72 höggum en Örvar Samúelsson, sem hafði forystu eftir gærdaginn, lék á 78.
Andrea Ýr Ásmundsdóttir hefur mikla yfirburði í meistaraflokki kvenna. Hún lék á 72 höggum í dag, einu yfir pari, en á 77 höggum í gær. Andrea hefur því leikið 36 holur á 149 höggum.
Efstir í meistaraflokki karla
147 – Valur Snær Guðmundsson (75 - 72)
151 – Örvar Samúelsson (73 - 78)
153 – Viðar Steinar Tómasson (77 - 76)
153 – Lárus Ingi Antonsson (74 - 79)
154 – Tumi Hrafn Kúld (77 - 77)
Meistaraflokkur kvenna
149 – Andrea Ýr Ásmundsdóttir (77 - 72)
166 – Lilja Maren Jónsdóttir (82 - 84)
177 – Kara Líf Antonsdóttir (84 - 93)
Keppni á Akureyrarmótinu heldur áfram á morgun, laugardag, og lýkur á sunnudaginn.
