Lárus Ingi lék á pari og tók forystuna
Lárus Ingi Antonsson, ríkjandi Akureyrarmeistari í golfi, lék Jaðarsvöll á pari í dag – notaði 71 högg – sem er besta skor á mótinu til þessa. Hann tók þar með forystuna í meistaraflokki karla.
Eyþór Hrafnar Ketilsson lék á 72 höggum fyrsta dag mótsins, einu yfir pari, og var með þriggja högga forystu eftir tvo daga. Hann lék hins vegar á sex höggum yfir pari í dag er þremur höggum á eftir Lárus Inga fyrir síðasta keppnisdag en mótinu lýkur á morgun.
Engin spenna er í meistaraflokki kvenna, Andrea Ýr Ásmundsdóttir hafði örugga forystu eftir fyrsta dag og heldur sínu striki. Hún lék á sex höggum yfir pari í dag og er 24 höggum á undan hinum tveimur í meistaraflokknum.
Staðan í meistaraflokki karla er þessi fyrir síðasta dag Akureyrarmótsins:
- 219 Lárus Ingi Antonsson 75 – 73 – 71
- 222 Eyþór Hrafnar Ketilsson 72 – 73 – 77
- 224 Tumi Hrafn Kúld 74 – 76 – 74
- 233 Mikael Máni Sigurðsson 81 – 76 – 76
- 238 Óskar Páll Valsson 81 – 79 – 78
- 239 Örvar Samúelsson 79 – 84 – 76
- 241 Magnús Finnsson 76 – 83 – 82
- 241 Veigar Heiðarsson 74 – 84 – 83
- 242 Patrik Róbertsson 79 – 83 – 80
Staðan í meistaraflokki kvenna:
- 231 Andrea Ýr Ásmundsdóttir, 73 – 81 – 77
- 255 Kristín Lind Arnþórsdóttir, 82 – 88 – 85
- 255 Kara Líf Antonsdóttir, 82 – 86 – 87
