Íþróttir
KA-menn duttu heldur betur í lukkupottinn
30.06.2022 kl. 12:18
KA-menn fagna þriðja marki Nökkva Þeys Þórissonar (21) í sigrinum á Fram í 16-liða úrslitum bikarkeppninnar á dögunum. Aðrir eru Hallgrímur Mar Steingrímsson, Andri Fannar Stefánsson og Elfar Árni Aðalsteinsson. Ljósmynd: Skapti Hallgrímsson
KA-menn mæta liði Ægis í átta liða úrslitum Mjólkurbikarkeppninnar í knattspyrnu og fer leikurinn fram á Greifavellinum við KA-heimilið. 10. eða 11. ágúst. Dregið var í hádeginu.
Ægir er eina liðið úr 2. deild - þriðju efstu deild Íslandsmótsins - sem komst í átta liða úrslitin og því er óhætt að segja að KA-menn hafi dottið í lukkupottinn. Leið þeirra ætti að vera greið í undanúrslit keppninnar.
Leikirnir í átta liða úrslitum Mjólkurbikarkeppni karla eru þessir:
- Víkingur - KR
- KA - Ægir
- HK - Breiðablik
- Kórdrengir - FH
Einnig var dregið í undanúrslitum Mjólkurbikarkeppni kvenna:
- Selfoss - Breiðablik
- Stjarnan - Valur
