Íþróttir
Fyrsti ósigur KA – áfram á toppi deildarinnar
16.11.2024 kl. 22:45
Mynd úr úrslitaviðureign KA og Aftureldingar síðastliðið vor. Mynd: akureyri.net.
Kvennalið KA í blaki tapaði fyrstu viðureign sinni í efstu deild Íslandsmótsins, Unbroken-deildinni, þegar liðið tók á móti Aftureldingu í KA-heimilinu í kvöld. KA er þó enn á toppi deildarinnar, nú með þriggja stiga forystu á Völsung og Aftureldingu.
- KA - Afturelding 1-3 (25-27, 25-21, 18-25, 20-25)
- Staðan í deildinni
- Leikskýrslan
Afturelding vann fyrstu hrinuna eftir upphækkun, 25-27, en KA jafnaði með 25-21 sigri í næstu hrinu. Afturelding vann svo tvær næstu hrinur með sjö og fimm stiga mun og leikinn þar með 3-1.
KA er á toppi Unbroken-deildarnnar með 18 stig, en Völsungur og Afturelding koma næst með 15 stig.
