Íþróttir
Auðvelt hjá Þórsurum gegn KFA í bikarnum
14.04.2024 kl. 19:15
Ýmir Már Geirsson, Fannar Daði Malmquist Gíslason og Egill Orri Arnarsson fagna eftir að Fannar gerði annað mark sitt og fjórða mark Þórs í dag. Mynd: Skapti Hallgrímsson
Þórsarar unnu auðveldan sigur á liði KFA (Knattspyrnufélags Austfjarða) í 2. umferð bikarkeppninnar í knattspyrnu, Mjólkurbikarkeppninnar, í Boganum í dag. Lokatölur urðu 5:1 eftir að Þórsarar komust í 4:0.
Fannar Daði Malmquist Gíslason kom Þór á bragðið strax á 3. mínútu, Rafael Victor bætti við marki þegar 23 mín. voru liðnar og eftir rúmlega hálftíma leik varð Abdelhadi Khalok El Bouzarrari fyrir því óláni að gera sjálfsmark.
Fannar Daði gerði annað mark sitt þegar 15 mín. voru liðnar af seinni hálfleik, staðan þá 4:0 en Tómas Atli Björgvinsson minnkaði muninn aðeins þremur mín. síðar. Lokaorðið átti Alexander Már Þorláksson sem gerði fimmta markið á 81. mín.
Smellið hér til að sjá leikskýrsluna
