Fréttir
Gat hvorki lent á Akureyri né í Keflavík – fer til Glasgow
06.02.2025 kl. 22:45
Leið Neos vélarinnar frá Tenerife, þeirrar rauðu neðst á myndinni; hún reyndi fyrst að lenda á Akureyri og síðan í Keflavík en er nú á leið til Glasgow í Skotlandi. Skjáskot af Flightradar24.com
Flugvél ítalska félagsins Neos, á leið frá Tenerife, gat ekki lent á Akureyrarflugvelli í kvöld vegna hvassviðris. Eftir eina tilraun til lendingar var vélinni snúið frá og haldið til Keflavíkur en þar var heldur ekki hægt að lenda, einnig vegna mikils vinds, skv. því sem Akureyri.net kemst næst. Vélin er nú á leið til Glasgow í Skotlandi þar sem farþegar gista í nótt og flogið verður til Akureyrar á morgun.
Mynd sem farþegi í vélinni tók í kvöld og sendi akureyri.net.
