Þórsarar upp í efstu deild á ný!
Þórsarar leika í efstu deild Íslandsmótsins í handbolta á nýjan leik næsta vetur. Þeir sigruðu ungmennalið HK (HK2) af miklu öryggi á heimavelli í dag, 37:29, og tryggðu sér þar með efsta sæti Grill66 deildarinnar. Staðan í hálfleik var 17:12.
Sigur Þórs var mjög öruggur, eins og reiknað var með, en leikurinn var engu að síður skemmtilegur og stemningin í Höllinni frábær enda fjölmargir mættir til þess að styðja sína menn – og fagna sigri í deildinni og sæti í Olísdeildinni næsta vetur.
Mörk Þórs: Oddur Gretarsson 10, Hafþór Már Vignisson 8, Þórður Tandri Ágústsson 7, Arnór Þorri Þorsteinsson 4, Halldór Kristinn Harðarson 4, Bjartur Már Guðmundsson 2, Garðar Már Jónsson 1, Sigurður Ringsted Sigurðsson 1.
Varin skot: Kristján Páll Steinsson 15.
Nánar síðar
Oddur Gretarsson og Halldór Kristinn Harðarson.
Þjálfararnir, Gunnar Líndal Sigurðsson og Halldór Örn Tryggvason.
