Mikil spenna þegar Þór vann KR – MYNDIR
Þórsarar unnu KR-inga í gærkvöldi í æsispennandi leik, 71:69, í 1. deild kvenna í körfubolta, næst efstu deild Íslandsmótsins. Leikið var í Íþróttahöllinni á Akureyri.
- Skorið eftir leikhlutum: 17:19 – 14:12 – (31:31) – 11:20 – 29:18 – 71:69
Staðan var jöfn í hálfleik, 31:31, en að loknum þriðja leikhluta af fjórum höfðu gestirnir náð níu stiga forystu. KR-ingar virtust því með pálmann í höndunum en Þórsstelpurnar minnkuðu forskotið jafnt og þétt í síðasta fjórðungi og náðu að jafna, 61:61, þegar þrjár mín. voru eftir. KR komst þá aftur yfir og munurinn var fjögur stig, 69:65 fyrir KR, og 50 sekúndur eftir þegar Daníel þjálfari Þórs tók leikhlé. Að því loknu gerðu Þórsarar síðustu sex stigin og vel var fagnað að leikslokum, bæði leikmenn og áhorfendur, sem voru vel með á nótunum.
Heiða Hlín Björnsdóttir gerði 23 stig í leiknum og Maddy Anne Sutton 17 auk þess sem sú síðarnefnda tók 12 fráköst.
Smellið hér til að sjá alla tölfræðina
Þór er nú í þriðja sæti með 10 stig, jafn mörg og KR, en Stjarnan og Snæfell eru með 12.
Rut Herner Konrásdóttir gerir sóknarmanni KR erfitt fyrir... Ljósmynd: Sara Skaptadóttir
Marín Lind Ágústsdóttir sækir að körfu KR-inga. Ljósmynd: Sara
Maddy Anne Sutton skorar seint í leiknum. Ljósmynd: Sara
Violet Morrov, lang besti leikmaður KR ... Ljósmynd: Skapti
Rut og Maddy til varnar ... Ljósmynd: Skapti
Violet hitti ekki og Maddy hirti frákastið. Ljósmynd: Skapti
Marín Linda Ágústsdóttir (17) eftir að hún kom Þór yfir, 70:69, með þriggja stiga körfu þegar 18 sekúndur voru eftir! Ljósmynd: Skapti
Hart var barist um boltann á ögurstundu. Ljósmynd: Skapti
Spennan var mikil í lokin! Daníel Andri Halldórsson, þjálfari Þórs, Emma Karolína Snæbjörnsdóttir og Jóhanna Björk Auðunsdóttir á bekknum. Ljósmynd: Skapti
KR-ingar brutu á Maddy Anne Sutton þegar aðeins tvær sekúndur voru eftir; freistuðu þess þannig að ná boltanum og skora eftir að hún tæki vítaskot. Ljósmynd: Skapti
Maddy hitti úr fyrra vítinu, Perla Jóhannsdóttir reyndi þriggja skot langt utan af velli en Hrefna Ottósdóttir varði. Ljósmynd: Skapti
Og þá var hægt að fagna og það innilega! Ljósmynd: Skapti
Ljósmynd: Sara Skaptadóttir
Ljósmynd: Skapti
