Sverrir Páll

Húsheild Hyrna kom færandi hendi í VMA

Skapti Hallgrímsson skrifar 22. október 2024 | kl. 19:35

Frá vinstri: Magni Magnússon, kennari í rafiðngreinum í VMA, Eiríkur Guðberg Guðmundsson framleiðslu- og sölustjóri Húsheildar/Hyrnu, Gunnar Magnússon starfsmaður fyrirtækisins, og Björn Hreinsson, kennari í rafiðngreinum í VMA.

Byggingafyrirtækið Húsheild/Hyrna færði rafdeild Verkmenntaskólans á Akureyri nýverið að gjöf borðplötur í kennslustofu fyrir stýringar.

„Þegar nýr kennslubúnaður er tekin í notkun þarf oft að gera breytingar á vinnuaðstöðu nemenda. Nú á haustönn er verið að innleiða nýjan kennslubúnað fyrir stýringar á rafdeild VMA og nýi búnaðurinn þarf töluvert meira borðpláss en sá gamli. Þá er gott að eiga góða að,“ segir á Facebook rafdeildar skólans.