Vorboði: Tjaldar á þaki Háskólans á Akureyri

Vorboðarnir eru af ýmsu tagi, en í Háskólanum á Akureyri eru það tjaldarnir. Andy Hill, lektor við lögreglufræðideildina, tilkynnti á Facebook síðu sinni að tjaldarnir væru komnir. Hann sagðist ekki geta verið viss um það, hvort að það væri sama parið sem kæmi á hverju ári, en starfsfólk háskólans gæti vel trúað því. Það varð því að umræðuefni og gleði þeirra á milli á kaffistofunni í gærmorgun, þegar fréttist að tjaldarnir væru komnir heim.