Safnaðarheimilið tekið með tröppunum

Samhliða framkvæmdum við tröppurnar við Akureyrarkirkju standa yfir endurbætur á þaki safnaðarheimilis kirkjunnar og endurbætur á göngustíg sunnan við kirkjuna upp að Eyrarlandsvegi. Sett verður upp glerhandrið við þakkant safnaðarheimilisins, hellulagnir endurnýjaðar og ný lýsing sett upp við gönguleiðina.

Nú er lokið við að steypa upp þrjár neðstu tröppueiningarnar ofan á gamla náðhúsinu og forsteyptu tröppunum hefur verið komið fyrir á sinn stað á efri hlutanum. Fram undan er vinna við frárennslislagnir og raflagnir að ljósum og búnaði í tröppupnum.