KA handhafi allra stóru titlana í blaki!

KA varð Íslandsmeistari í blaki karla í kvöld eftir 3:1 sigur á Þrótti frá Reykjavík í þriðja og síðasta úrslitaleiknum. Félagið er þar með Íslands-, deildar- og bikarmeistari bæði í karla- og kvennaflokki. Kvennaliðið varð Íslandsmeistari í gær eins og fram hefur komið.

KA vann Þrótt 3:0 í fyrsta úrslitaleiknum á heimavelli, vann síðan 3:2 í Laugardalshöllinni og úrslit í mótinu réðust í kvöld í jöfnum og spennandi leik í KA-heimilinu. KA vann fyrstu hrinuna 26:24 og þá næstu 25:22. Þróttur vann hins vegar þriðju hrinuna örugglega, 25:18, en fjórða hrinan var æsispennandi eins og tvær þær fyrstu, en KA knúði fram sigur, 26:24. 

Nánar á morgun