Handknattleikur
Þórsarar leika í Eyjum í bikarkeppninni
30.10.2024 kl. 14:00
Hart barist um boltann í leik Þórs og Harðar síðastliðinn laugardag. Þórsarar fara til Eyja í dag, en Hörður er mögulegur mótherji KA i 16 liða úrslitum, ef liðinu tekst að vinna Víði í 1. umferðinni. Mynd: Skapti Hallgrímsson.
Bikarkeppni karla í handknsttleik, Powerade-bikarinn, hefst í dag með heimsókn Þórsara til Vestmannaeyja þar sem þeir mæta ÍBV 2 í dag kl. 17:30.
Alls taka 20 lið þátt í bikarkeppni karla og eru Þórsarar á meðal átta liða sem spila í 1. umferðinni, en liðin 12 sem spila í efstu deild, Olísdeildinni, koma inn í 16 liða úrslitin, þar á meðal KA.
Sigurliðin í leikjunum fjórum í fyrstu umferðinni fara áfram í 16 liða úrslit og hefur nú þegar verið dregið um leikina þar. Sigurliðið í leik Þórs og ÍBV 2 mætir ÍR-ingum á heimavelli 17. nóvember. KA mætir sigurliðinu úr viðureign Víðis og Harðar á útivelli, einnig 17. nóvember.
