Handbolti: U18 leikur um bronsverðlaun í dag

Landslið Íslands í handknattleik, skipað leikmönnum 18 ára og yngri, leikur um brons á Evrópumótinu í dag kl. 15. Þrír leikmenn KA verða þar í eldlínunni ásamt félögum sínum, Dagur Árni Heimisson, Jens Bragi Bergþórsson og Magnús Dagur Jónatansson.

Íslenska liðið mætti því danska í undanúrslitum í gær og reyndust Danirnir sterkari. Dagur Árni skoraði mest íslensku drengjanna í leiknum, níu mörk. Jens Bragi skoraði fjögur og Magnús Dagur eitt. Ísland mætir því Ungverjalandi í leik um bronsið í dag kl. 15. Liðin mættust í æfingaleik fyrir þremur vikum og þá unnu Íslandingar með sex marka mun. Vonandi verður svipað uppi á teningnum í dag. 

Handtolbavefurinn handbolti.is hefur fjallað ítarlega um mótið og verður með textalýsingu frá leiknum í dag. Í frétt handboltavefsins í dag er rætt stuttlega við þjálfara liðsins, Heimi Ríkarðsson, sem segir íslenska liðið vilja bæta upp fyrir tapið gegn Dönum og muni koma af krafti í leikinn í dag enda sé ætlunin að koma heim með bronsverðlaunin.