Bogfimideild Akurs með opið hús á sunnudag

Bogfimideild Akurs verður með opið hús í aðstöðu deildarinnar að Kaldbaksgötu 4 sunnudaginn 7. janúar frá kl. 13.

Bogfimideildin flutti í nýja aðstöðu í október, norðan megin í húsinu að Kaldbaksgötu 4. Áður hafði deildin haft aðstöðu í þröngu rými í kjallara Íþróttahallarinnar frá því í apríl 2020 þar sem þrengdi verulega að starfseminni og gerði nýliðun í íþróttinni erfitt fyrir. 

Á opnu húsi gefst almenningi kostur á að koma og prófa, kynnast íþróttinni undir handleiðslu bogfimifólks sem sýnir og hjálpar við réttu handtökin.