Norðlensk raftónlist á sjö tungumálum

Akureyrski listamaðurinn Áki Frostason, einnig þekktur sem raftónlistarmaðurinn Pitenz, var að senda frá sér nýja raftónlistarplötu sem kallast 7. Platan er aðgengileg á öllum helstu streymisveitum en þar er að finna sjö lög á sjö mismunandi tungumálum.

Þá er Pitenz einnig búinn að gefa út myndband við eitt af lögunum á plötunni, lagið Fotoapéritif. Lagið syngur Áki  á frönsku og var myndbandið við það tekið upp í borginni Melbourne í Ástralíu. Þar sést Áki drekka rauðvín víða um borgina, svamla í sjónum og dilla sér á götum úti.

Áki hefur í gegnum tíðina fengist við list af ýmsum toga en hann er t.d einn af stofnendum Kaktusar, sýningarrýmis í Listagilinu. Þó Áki komi upphaflega frá Akureyri er hann oft erlendis við störf. 

Hér má hlusta á plötuna á Spotify.