Helgarfótbolti heima - íshokkí erlendis

Knattspyrnulið Akureyrar verða í eldlínunni um helgina, tvö á heimavelli og eitt á útivelli. Keppni í næstefstu deild Íslandsmóts karla, Lengjudeildinni, er að hefjast. Rólegt fram eftir vikunni, nema fyrir áhugafólk um íshokkílandslið karla, sem er á Nýja-Sjálandi þessa dagana, en þar eru fjölmargir fulltrúar Akureyrar.

MIÐVIKUDAGUR - íshokkí

Íshokkílandslið karla, með 15 núverandi og fyrrverandi leikmenn SA innanborðs, tekur þessa dagana þátt í 2. deild B á HM í íshokkí. Liðið fékk 4-0 skell í fyrsta leik gegn Georgíu, en vann síðan Búlgaríu 8-4. Þrír leikir eru eftir og sá næsti verður aðfararnótt miðvikudags.

• HM karla í íshokkí, 2. deild karla B
  Spilað í Nýja-Sjáland, 01:00
  Ísland - Tævan

FÖSTUDAGUR - íshokkí og fótbolti

Fjórði leikur íshokkílandsliðsins verður aðfararnótt föstudags og komið að Tælendingum. 

• HM karla í íshokkí, 2. deild karla B
  Spilað í Nýja-Sjálandi, 04:30
  Ísland - Tæland 

- - -

Þórsarar hefja leik í Lengjudeildinni, næstefstu deild Íslandsmótsins í knattspyrnu, á föstudag. Þeir taka þá á móti liði HK úr Kópavoginum og fer leikurinn fram í Boganum.

• Lengjudeild karla í knattspyrnu
  Boginn kl. 18
  Þór - HK

HK féll úr Bestu deildinni í fyrra eftir tvö tímabil í efstu deild, en Þórsarar enduðu í 10. sæti Lengjudeildarinnar. 

LAUGARDAGUR - íshokkí og fótbolti

Lokaleikur íslenska karlalandsliðsins í íshokkí í 2. deild B á Heimsmeistaramótinu verður gegn heimamönnum á Nýja-Sjálandi snemma á laugardagsmorgun að íslenskum tíma. 

• HM karla í íshokkí, 2. deild B
  Spilað í Nýja-Sjálandi, 08:00
  Ísland - Nýja-Sjáland

- - -

Um helgina er komið að fjórðu umferð Bestu deildar kvenna í knattspyrnu. Þór/KA tekur á móti FH, en bæði liðin eru í efri hluta deildarinnar. Þór/KA hefur sex stig eftir sigra í tveimur fyrstu leikjunum og tap í þriðju umferðinni. FH er með sjö stig, gerði jafntefli í fyrsta leik, en hefur síðan unnið tvo.

• Besta deild kvenna í knattspyrnu
  Boginn kl. 14:30
  Þór/KA - FH

SUNNUDAGUR - fótbolti

Fimmta umferð Bestu deildar karla í knattspyrnu er fram undan. KA sækir ÍA heim, en Skagamenn hafa verið í vandræðum í upphafi móts. Með sigri á FH í fjórðu umferðinni spyrnti KA sér af borninum, fór upp fyrir ÍA og FH. KA er með fjögur stig eftir fjóra leiki, en ÍA með þrjú. 

• Besta deild karla í knattspyrnu
  ELKEM-völlurinn á Akranesi kl. 17
  ÍA - KA