Arctic Opera heldur tónleika í Hofi í dag

Sönghópurinn Arctic Opera heldur tónleika í menningarhúsinu Hofi í dag, sunnudag 5. mars, klukkan 16.00. Yfirskriftin er Ár íslenska einsöngslagsins.

Arctic Opera er hópur klassískt þjálfaðra óperusöngvara á Norðurlandi, hópur sem býður reglulega upp á tónleika og sýningar undir listrænni stjórn Michael Jóns Clarke.

Á efnisskránni í dag eru margar af þekktustu perlum íslenskra laga, eins og það er orðað í tilkynningu; m.a. má nefna Hamraborgina, Gýgjuna, Betlikerlinguna, Nótt, Svanasöng á heiði og  Draumalandið.

Tónlistarmennirnir sem kom fram á tónleikunum:

• Hlini Gíslason – tenór
• Guðrún Ösp Sævars – mezzosopran
• Reynir Gunnarsson – bass bariton
• Rósa María Stefánsdóttir – sópran
• Michael Jón Clarke – baritón
• Gísli Rúnar Víðisson – tenór
• Helena G. Bjarnadóttir – sópran
• Risto Laur – píanóleikur