A! Gjörningahátíð á Akureyri – MYNDIR

A! Gjörningahátíð fór fram á Akureyri á dögunum í áttunda sinn. A! er haldin árlega og er eina hátíðin á Íslandi sem einbeitir sér einungis að gjörningalist. Að þessu sinni tóku þátt 23 alþjóðlegir listamenn, frá Króatíu, Rússlandi, Bandaríkjunum, Póllandi og Íslandi: Áki Sebastian Frostason, Dýrfinna Benita Basalan, Kaktus, Katrin Hahner, Olya Kroyter, Rashelle Reyneveld, Rösk, Tricycle Trauma og Örn Alexander Ámundason. Að þessu sinni fóru gjörningarnir fram í Listasafninu á Akureyri, Hlöðunni í Litla-Garði, Deiglunni, Kaktus, Einkasafninu og á Ketilkaffi.

A! Gjörningahátíð er samvinnuverkefni Listasafnsins á Akureyri, Leikfélags Akureyrar, Gilfélagsins, Vídeólistahátíðarinnar Heim, Listnámsbrautar VMA og Kynningarmiðstöðvar íslenskrar myndlistar. A! er styrkt af Safnasjóði og verður næst haldin 5. til 8. október 2023.