Öruggur útisigur KA á Álftanesi

KA stelpurnar sigruðu Álftanes, 3-1, í gær á útivelli í Unbrokendeildinni, efstu deild kvenna í blaki.

KA byrjaði leikinn af miklum krafti og vann fyrstu hrinuna örugglega 25-16. Álftanesi tókst þó að jafna í næstu hrinu með tveggja stiga sigri, 25-23. Lengra komst Álftanes ekki þar sem KA vann seinni tvær hrinurnar nokkuð örugglega, báðar með 5 stiga mun, 25-20.

Með sigrinum situr KA nú í öðru sæti deildarinnar með 23 stig, einu stigi frá toppliði Aftureldingar, en þessi tvö lið munu einmitt mætast í næstu umferð í algjörum toppslag í deildinni í KA heimilinu þann 2. desember.