Gamla myndin: veistu hvar þetta er?

Vikulega birtist gömul ljósmynd á Akureyri.net í samstarfi við Minjasafnið á Akureyri. Þetta er 96. gamla myndin frá safninu sem birtist hér og hafa þær vakið mikil viðbrögð. Fólk sýnir iðulega gömlum myndum gríðarlegan áhuga og Minjasafninu hafa borist fjölmargar ábendingar um nöfn fólks og staðhætti eftir að mynd birtist opinberlega.

Ólafur Jónsson, ráðunautur og rithöfundur, tók þessa mynd en safninu er ekki kunnugt um hvar þetta er.

Þeir sem kunna að búa yfir upplýsingum eru hvattir til að senda þær til Minjasafnsins á Akureyri, á netfangið hg@minjasafnid.is

• Myndin hér að neðan birtist fyrir viku. Upplýsingar bárust um að þetta væri bærinn Vaglir I í Fnjóskadal. Barn stendur á tröppunum við útidyrnar, ekki hafa borist upplýsingar um hver kann að vera þar á ferð en fólk er hvatt til þess að rýna aðeins betur í myndina! 

Fleiri gamlar myndir frá Minjasafninu á Akureyri er hægt að skoða HÉR